اسيرة قدرك

البارت الثامن عشر

اسيرة قدرك..
بقلمي رسل..
البارت الثامن عشر..
واتباد @rasolaa7

ومن خِسرتَك صغرت بعيني
خَسارات العُمر ،
ودِرت وَجهي عيوني عَنك
خاف ألمحَك منكِـسر
شكثر باچي لخاطرك گـلي شكثر
تغلَط بحَقي وأدورلك عـذر
چنت أدورك كلمة
بأنقاض الدَفاتر
مارِدت مِنك سَطر..

-اباوع على نور وداخلي يغلي ودي اصرخ
صرخة الم الموجودين كلها على هذا الكلب
بس منو يصدكني
و منو الي راح ينصف ريا اغلب الموجودين
هنا و من ضمنهم زوجي ما عندي ثقة بيهم
ياخذون حقي راح ترجع السالفة عليه
وهذا عريس و توه متزوج واكيد هي
الي تحارشت و شوف شنو سوت و انطته عين
و مو بعيدة اسر بالسلاح الي شايله يخلص عليه..

-دمعت عيوني و نفسي لعبت اريد
اصرخ
ابجي
الزمه و اكطعه بسنوني الفاسد عندك مرة
تسوى راسك و ما تحمد الله
شنو اشوف بعد من هاي العائلة لا هم الي
بيهم خير ولا نسيبهم يربي نور ما تستاهل
هيج واحد والله..

-عيني على اسر يركص ولازم طرف الجوبي
هو تنهدت بقهر شكد ماشي بطريق الحرام
بحيث تعاقبت بيه اليوم مرتك يلمسونها
بايد قذره وما تكدر تحجي ما اعرف هذا
امتحان الي لو عقاب الك ودرس يأكدلك
الدنيا دوارة و شتعمل تحصد..

-تنرفزت من وجوده الكلب وهو مستمر
يضحك و يسولف ويه نور وعينه عليه
اجت عين اسر علينا بس لمحه تركهم واجه
يمشي سريع..

-ابلع بريكي بخوف احس الدنيا سودت بعيني
اتلفت شجابه علينا وهيج جاي خفت لا احد
شاف بارق زوج نور وكاله تنهدت من وصل
يمنا وضرب بارق على كتفه..

-كوم خويه ويه الزلم شعندك مكابل النسوان..

-هو نحرج وكام رايح باتجاه الزلم واسر سحبني
من ايدي و هو صاك على سنونه..

-امشي وياي سويلي الدكمة مال ردان
القميص..

-مشيت ويا وكلبي يدك اخذني لمكان معزول..
شعنده يمجن هذا الغثه ويتمضحك..

-شال ايده و ضربني راجدي من قوته
حسيت عيني انقلعت عضيت على شفتي بكل
الم وروحي شاغت لزمت خدي نار احس
تطلع منه..

-حجيت بكل كسره روح.. شكو رجعت عليه
اني شعليه اذا هو اجه وكعد يم مرته اطرده
واخلي الي يسوه والي ما يسوه يكول هاي
الخبله شبيها و شنو سوالها لو اكوم اغير
مكاني وهنا مو بعيده عليك تهيني و تضربني
كدامهم اريد اكلك مليت منك بس حتى
هاي الكلمة ملت مني مصختها ترى اسر..

-لج بابا هذا اتخبل منه ما مرتاحله مكابلجن
وكاعد شكو احجي شكو..

-واني شكو اذا كام لو كعد اني شكو ضربت
على وجهي بقوة اني شكو وكل شيء راجع
عليه..

-وديني لاهلي اسر وديني اختنكت منك
والله طلعتها لروحي وديني عسى ما يجنزوني
لا ترجع عليه من امداها حياتي الي
تخلص وياكم..