اسيرة قدرك

بارت 65 القسم الثاني

اسيرة قدرك..
بقلمي رسل..
البارت الخامس والستون القسم الثاني..
واتباد rasolaa7

وياك عشت بقلق
ما عاشته العرست
بايام حرب ايران..

-هو فتح عيونه بصدمة.. شبيج يابه شتحجين انتي؟!...

-ريا تخبلتي شنو طلاك شسامعه انتي
شو مو طبيعية شجاب الطلاك اصحي لا
تمسلتين..

-احجي صدك اسر اني وياك بعد هذا حدنا تعبت وكرهت نفسي وانت اذا يوم تسعدني عشرة تموتني بيهن وتحركني بنار مشاكلكم الي ما تخلص يعني تردوني اموت يلا ساعتها تحس
بيه مو والله انتهيت ارحموا حالي..

-هو حضني بقوة ويبوس براسي ويحجي
بقهر.. اش لا تحجين هيج وتاذيني عليج لوما
تعرفيني بين نارين وما مرتاح لا تزيدينها عليه ابويه انتي ما تهون عليه هاي دموعج الغالية
بس اصبري عليه لما اشوفلهم بيت لان
مال اعوفهم هاي انسيها وسالفة الطلاك لا
تجيبينها بعد على لسانج..

-ابتعدت عنه.. ميخالف يا اسر بس من تنفذ وعدك و خواتك يكعدن بيتهم يلا نكدر نرجع مثل قبل.. حجيتها هو زفر بتعب وعافني وطلع كلمة
ما حجه..

-بقيت احمس بنفسي احس روحي تعبانه وما اعرف شنو الي اريده دك جهازي اخذته جانت ام مهاب جاوبتها.. وهي بعد السلام بدت تحجي
على المشكلة الي بين اهلها و ابو جود وانو من بعدها هو عرض الشقه وراح يبيعها بعدما يقبل
اهله يكعدون بيها..

-بعدها كالت امي خطية راح تلم من البنات وتشتري مشتمل و يطلعن منج الحياية اتحمليهن
ادري بيج هسه انتي على نار..

-ميعوفوني مرتاحة صدكي  هو بس اسر عدهن وهو احن واحد عليهم وهن مستغلات هالشيء
ياريت يكعدن بدون مشاكل جان واحد خلاهن
على راسه..

-اتحملي انتي صبرتي كل هل سنين ضلت على كم يوم ريا انتي مثل بناتي واخذيها مني اكسبي اسر معليج بيهن شما يخبثن وياج..

-جنت تعبانه بس كلت الها ان شاء الله وسديته بعد ما هي اترخصت..

-يوم عن يوم احس نفسي بصدمة والي متعبني تصرفاتي احسها تغيرت صرت عدوانية كلش والي يحجي كلمة ارد عليه بحيث مرات اني استغرب من نفسي وكانو اتصرف بدون وعي مثل الي فاقده الاحساس وما تعرف شنو تسوي..

-رحت للغرفة وكعدت اخلي مكياج لاول مرة بحياتي هيج امكيج بحيث صار صارخ لبست دشداشة ربع ردن وسرحت شعري واني احس روحي شيء يقودها على هالتصرفات كملت و طلعت جانوا كاعدين وأسر وياهن حسيت نظرتهم الي باستغراب فضيع عفتهم ورحت للمطبخ
بقيت بالمطبخ كاعدة اغني مرة حزين
ومرة عادي بدا صوتي يعلى ومستمرة اغني
وحدي وارفع بصوتي مندمجه..

-دخل هو وعينه عليه صاح.. شبيج ريا تخبلتي
صدك تحجين انتي شنو زعطوطة.. هو يحجي واني مستمرة ما سكتت وكانو ما اسمعه هو رجع
صاح.. لج كافي شبيج انتي شصايرلج؟!..