اسيرة قدرك

البارت الخامس عشر

اسيرة_قدرك..
بقلمي رسل..
البارت الخامس عشر..
واتباد @rasolaa7

آنه متعوّد عَليك
لا تِخلّي السالفة الما تِسوه
تأخذِني مِن أيديّك..

-صحت اطلع برا طلعوه منا ما اريد اشوف
وجهه طلعوا امي اجت شافتني مختنكه
ضلت تلوم بي واني بس اردد طلعوا
منا طلعوا منا نهاريت وادفع بي اريده بس يطلع..

-هو قافل و بس يردد اهدي اهدي ريا
ما اسويلج شيء شبيج يا عيوني شبيج والله
ما اسويلج شيء..

-اجه اخوي الجبير تضارب هو ويا يلا طلع
من الغرفة بس ما قبل يطلع من بيتنا بقى بالحديقة
يكلهم ما اطلع الا اخذها وياي..

-اهلي ما مرحبين بي و وجوهم ثكيله جانت
عليه عافوه وحده بالحديقة ودخلوا واني
طلع يلا ارتاحيت من شفته احس النفس ضاك
عليه و اتذكرت كل شيء سواه بيه
الضرب
المسبة
بناتي الي اخذهن من ايدي..

-هديت شوي و ره ساعتين اجه اخوي الصغير
فارس.. ريونه كاعدة؟!..

-اي حبيبي تعال..

-هذا خطية صار ساعتين كاعد بالحديقة
اطلعله شيء مي..

-شوفه شنو يريد مي اكل واخذله لا تعوفوا
هيج..

فارس.. هسه ما فهمنا كلبج طيب لو تحبينه
احجي ريا احجي..

-ضحكت كوم فارس لا تلغي هواي بس
ما يصير يبقى بدون مي لو اكل..

-طلع وهو يقلد عليه كمت باوعت من الشباك
هو مدنك يغسل براسه و وجهه من الصونده
اجتني امي كالت نغثيت من وجوده شعنده
مكابلج و هو الي هيج سوه بيج اني راح اروح
اطرده..

-ما قبلت تطرده لان اعرفه من يعاند اذا
طردته راح يعاند اكثر و ما يطلع بعد..

-للوحدة بالليل هو على كعدته بالحديقة
طلعت للمطبخ و اشوفه كاعد على المرجوحه
اجاني مسج منه.. الخاطري اطلعي بس
اشوفج ما اسويلج شيء بس اشوفج واذا
ما تطلعين عادي باقي للصبح هنا..

-بعديش تريد تشوفني بعديش
بعدما حطمتني وخليتني جسد بلا روح
شكلي يخوف من الضعف
العيون محاوطات بسواد شفايفي متفطرة
من الكحة الي تشك صدري باخر الليل..

-فتحت باب المطبخ و طلعت هو بس شافني
طفر بكل حيله اجه يمي حضني
بجيت.. ليش هيج سويت بيه ليش
ليش هيج اخذت عافيتي و بناتي
ليش رجعتني هنا بدون سبب و خليت الي
ما يسوه يتشمت بيه
ليش اني هيج ما عندي كل قيمة عندك
تجيبني منا و توديني منا
ليش تسمع كلامهم و تصدكه بدون ما تعرف
هو صح لو باطل
ليش رجعت اصلا مو اني لساني طويل
واغلط على اهلك وامك مو اني صاحبه
مشاكل طلكني و ارتاح مني..

-اش شجاي تحجين انتي اطلكج شنو
و داعتج اهلي دخلتهم انذار لعيونج تعالي
وشوفيهم فترة و اطلعج منهم لا تحجين هيج
ريا..