اسيرة قدرك

البارت 31

اسيرة_قدرك..
بقلمي رسل..
البارت الواحد والثلاثون..
واتباد rasolaa7

اول يوم ببعادك كلت انسی
ومر اليوم بلكوه
ثاني يوم ادور گلبي ما هوه
ثالث يوم مر شفته
رابع يوم مر سکته
وعده اسبوع من بعدك
ولكيت الناس كلها انته..

ايهم صدك الي سمعته الله عليك كول جذب
كول ماكو هيج شيء عجل واني شنو وحبك
وينو ايهم كول جذب احجي و ابجي وكلبي
دكاتو تزيد بخوف من اجابتو..

-هو حجه بقلق سجى حبيبتي
ليش شنو سمعتي..

-ايهم تعرف قصدي بس كول هذا الحجي
صح لو لا؟!.. جان اكو صوت هوسه يمو
قبل لا يجاوبني سمعت صوت احد يصيحو
و بعدها سد المكالمة..

-كلبي اشتعل بنار روحي تشبعت بالقهر
و الخذلان بهاي اللحظات طلعت رقم اسر
و اتصلت عليه هو جاوبني كل ضنو ماما
بس كتلو اني سجى هو كال خير سجاوي
صاير شيء؟!..

-تنهدت و جنت خجلانه بس لازم اعرف
و اتاكد و اكيد اسر يعرف كل شيء لانو خالة
منين تسمع اخبارو لايهم..

-عمو بس اريد اعرف صحيح ايهم راح
يخطب؟!..

-هو صاح.. منو كالج ريا مو؟!..

-لا مو هي اني سمعت عنو حجيتها هو كال لا
اعرف هاي ريا كالتلج عمو سجاوي
مو مهم هذا كله و حتى ايهم مو مهم هاي
مو قسمتكم و الله شاهد مو ويا و لا ادفع اله
اني بس لازم تعرفين ايهم حاول هواي و لحد هسه رايدج
كلها صارت ضده وهو توسل بيهم و اجه لابوج
ولا مرة و لا مرتين بس ابوج الله يهدي ما دري
شلون يفكر و اخر مرة اتصل على الشيخ
و يريد اعتذار و كعدة لان ايهم تجاوز عليه
و هنا قامت القيامة على ايهم
من ابوه و اهله يا بويه انسي انتي بنيه حليوه
و متربية باجر الله يوفقج و تعيشين و تنسين
و ايهم اني بنفسي حجيت ويا بعد ما يتصل
عليج انسي بويه بعدها كال سجى حسيتو
بصعوبة كال هالكلام..

-سجى بويه ايهم يكول خلي تنساني الله يوفقها
والله اتمنيتها حلالي بس لا ابوها الي انطاني
ولا هي الي رضت تعوف كل شيء وتروح وياي
سجى ايهم تعبان كلش ومنهار كلمة وياج
ما يكدر يحجي يكول بيا وجهه احجي وياها
تنهد الله يهدي ابوج واحد شيحجي بعد..

-الله يهني و يسعدو حجيتها و سديتو للجهاز
نار اشتعلت بصدري دموعي امسح وحدة
تنزل الثانية اسر هواي حجه وياي و قنعني
وحاول يواسيني بس بعد شنو شمرت الجهاز و كعدت بزاوية الغرفة مخذولة و مقهورة شعور صعب اتذكر شلون جان كلامو وياي دائما جان
عندو امل ننجمع رغم المخاوف من قرار
الاهل بس هو دائما جان جوابو..