اسيرة قدرك

البارت 23

اسيرة_قدرك..
بقلمي رسل..
البارت الثالث و العشرون..
واتباد rasolaa7

ما مش ريح تاخذني من اديه
لغير ديره
ارد اهج لصحره تستوعب حسرتي
الحسرة البكلبي جبيرة..

-خابرت امي سألت عن بناتي و رجعت ادعيله
يخف عنه الألم غفيت شوي و اسمع صوت
من التعب ما ميزته صوت منو بس سمعته بوضوح من كال..

-كومي ريا كومي اسر راح يموت..

-فتحت عيني مفجوعة طفرت على حيلي واني
اباوع بإرجاء الغرفة واريد اعرف صاحب
الصوت منو بس اني على كعدتي على السجادة والله سمعت صوت معقولة حلم جان صوت واضح كلش بجيت لحد ما نشفت دموعي.. معقولة بي شيء ربي لا تفجعنا بي ربي شافي وخفف عنه الوجع ما كدرت ارجع انام الخوف دخل لكلبي و الف فكرة اجت على بالي شوكت يهدا بالي و ارتاح ما اعرف صارت امنيتي ارتاح و انام ليله بدون خوف و قلق..

-ساعة تقريبا و دك عليه مهاب من جاوبته
كال.. خالي يريدج..

-فز كلبي.. شبي شصاير عليك الله احجي الصراحة..

-ما بي شيء والله بس يريد يحجي وياج..

-بس سمعت صوته بجيت ما تحملت لهسه
رجفة الحلم بيه.. اسر بيك شيء؟!..

-والله كلبي يأذيني من اسمع بجيتج كافي
يا عيني عوفج مني احجيلي عنج انتي صحتج
شلونها خوما احد غاثج لو مأذيج..

-لا مابيه شيء و لا احد غاثني بس طاك كلبي
عليك مشتاقتلك اسر..

-لا تحجين بالشوك حبيبات ابوهن شلونهن ريا
مشتاقلهن باجر جيبيهن وياج اشوفهن قبل
لا اسافر..

-مهرة تبجي بجي عليك هناك تدورلك
تدلل حبيبي باجر اجيبهن و نشوفهن و ان شاء الله
ترجع الهن والي بالسلامة..

-سديته منه و اتصلت على اختي تحضر
البنات اخذهن لان ابوهن يريد يشوفهن و طيارته
بالدعش الصبح سألتها عنهن ومن كلتلها حضريهن راح اجي عليهن حسيتها ارتبكت
تالي كالت.. ريا الصغيرة وكعت وشوي اتأذت..

-حجيت بكل قهر.. شلون وليش طفلة ما خليتوا
بالكم عليها اول مرة اعتمد عليكم بيهن سدي جايتكم..

-انتظرت زيد شوي وكعد اخذني لبيت اهلي
دخلت للبيت و اشوف فارس مخلي البنات بحضنه
و ريا وجهه متروس شيء ابيض ركضت عليها
واخذتها لحضني وابوس بيها باوعت عليهم..

-شبيها بنيتي شنو هذا؟!..

-امي كالت يمه ريا بنتج احتركت الطاوة بيها
اكل حار وهيج جيتت بنصها..

-شعفتهن يمكم هن يومين ما خليتوا بالكم عليهن
مو والله تعبانه و النوم ما شايفته منين اتلكاها
من اسر من بنته شنو اكله وهو منتظر يشوف
بنته لا و يوصي بيه غبيه اني وعفتهن يمكم
اخذتهن و طلعت مقهورة الخشم و الوجه محروك
رفعت راسي للسماء.. ربي لا تفجعني بي
و شافي لخاطر بناته والله نتبهذل من دونه
منو يتحملني اني وياهن والله نصير مكفخه
بخلافه للي يسوه والما يسوه..