اسيرة قدرك

البارت 51

اسيرة_قدرك..
بقلمي رسل..
البارت الواحد والخمسون..
واتباد rasolaa7

لچموني بوجع كلبي
‏هلي ماحَسوا بتعبي..

-ام مهاب ما تركتني لا هي و لا خالهم و الولد
جنت تعبانه بشكل بحيث اذا بعدوا الاوكسجين عني ارجع اختنك اسر كل شوي و يتصل على ام
مهاب بس ما اكدر احجي ويا وهو خطيه
مفرفحه روحه..

-اخلي ايدي على كلبي بتعب وما مصدكه
بروحي بعدني اتنفس وكلبي يدك وما وكف
الموقف الي خلتني بي و الجذبة الي جذبتها
جانت صعبة عليه اتقبلها و بوجود الكل
اهلها و خالهم و الولد وهذا كل بجهه و من
تعيرني بالفكر و عود اني ابوك من نور بجهه
غمضت عيني واني احاول اصبر روحي
والله مليت منها ومن روحي..

-كم ساعة و فزيت على صوت ام مهاب و اسر
وهي تبجي وتشكيله من سماح هو ما حجه
شيء وياها شفته..

-دخل بملابسه العسكرية و مبين التعب و القلق
بعيونه و شعره مخربط اتقرب مني واني حسيت
طفلة و شافت ابوها نزلت دموعي هو سحب
راسي وخلاه على صدره تنهد ونزلت دمعته
على وجهي..

-بوس عيوني وجهي ايدي.. لج اخ يا ريا
الروح شكد عزيزة حسيت فقدت روحي من سمعت بيج منتهيه ما تدرين شفكرت عقلي
وكف احلف بام مهاب واحس الكل يجذب
عليه احس راح ارجع وما اشوفج يحجي
بقهر و يرجع يبوس بوجهي..

-والامام علي ما اعدي لسماح لا الي سوته
بيج و لا حركه كلبي و جيتي بهذا الليل..

-رجع باس راسي.. متت من التفكير متت
اريد بس اوصل واشوفج اخابر و اسالهم
بس كلبي شنو الي يطمنه اذا ما اشوفج كبالي
والله ما تدرين شلون اجيت واني عيوني
ما اشوف بيهن من القهر..

-دخل خالهم و مهاب اسر تركني وكام باس
راسه و سلم عليه مهاب سلم على خاله و اسمعه
يكوله.. خالي شلون تكول ما بيه شيء
والسيارة ضربتها قوية..

-اباوع لاسر بخوف شنو مضروبة ليش هو
شبي هو سكت مهاب بسرعه.. ما بيه
شيء خالي فدوه..

-دخلت الممرضة تشوف المغذي اسر سالها
عن وضعي هي جاوبته و هي تبدل المغذي..

-وضعها هسه احسن بهواي من اجتنا جانت
مختنكه كلش وحتى تنفسها ضعيف الله باوعلها..

-اني اسمعها و اردد الحمد لله فعلا جنت
مخنوكه بحيث ام مهاب كل شوي تضرب على
ضهري لو تفرك صدري واني دموعي تصب
بس اريد هوا..

-من كملت و طلعت هو التفت عليهم و اتشكر منهم ورجعهم كلهم كالهم ارتاحوا اني يمها سرور رادت تبقى خطيه جانت مقهورة كلش عليه بس هو ما قبل كالهم تعبتوا قبل لا يطلعون هو..

-باوع على ام مهاب.. اذا رجعت وما لكيت
سماح احسبوا البيت احترك عليكم بس ارجع
اريد اشوفها كبالي..