اسيرة قدرك

البارت 49

اسيرة_قدرك..
بقلمي  رسل..
البارت التاسع والاربعون..
واتباد rasolaa7

حته من انجرح
مادام همه بخير
انه بخير يعني وكلشي مابيه..

-هو صاح.. ليش تبجين هسه شحجيت
من اروح فدوه لدموعج كافي يا عيني
وداعتج لاحركهن حرك لخاطر هالعيون بس خلي ارجع..

-اسر ميفيد والله انت من ماكو يتوالن عليه
واني اخاف احجيها الك بصراحة اخاف منهن
لا تفكر اني من اشكيلك اريدك تكرهن لا ابد
اسر بس وداعتك اخاف منهن وهن كلش
مؤذيات صرت ما امن على روحي وياهن..

-معليج بيهن اعرف معدنهن ويطلعن حقدهن
عليه بيج ريا قبل جنت مأذيهن اكعدهن من عز نومتهن بالليل اخلي كل وحده تغسل تك جواريب
لو اطلعلهن شغلة من جوه الكاع
ايام وليالي واني ما شافي غليلي منهن وهسه
طلعنها بيج..

-وانت ليش تأذيهن ليش خليتهن يحقدن
صدك جذب لا وتحجيها..

-شبيج يمعودة هسه غير تفهمين.. تنهد و اسمع
حسرته سكت شوي وبعدها كال..

-ريا ابوي راح بسبب ام دنو هاي حركت كلبه حرك و تالي مات محروك وداعتج شلته بهاي
ايديه محروك حرك..

-شهكت واني مصدومة من كلامه يعني شنو
هن هيج خطيرات خواته لو شنو الصدمة
شلتني بحيث ما كدرت احجي شيء مجرد
بس اسمع منه سالفة ابوه وام دنو..

-عاندته ووكفت بوجهه وفضلت رجلها عليه
لو هذا اخذ لو ما اريد وبقت محاربه ابويه وتعانده اله تأخذه وبوكتها من ملحتها ابوي وافق ما كسر
كلبها بس ما جان راضي ابد..

-بس بسببها وشلون قهرته و فضلت الغريب
عليه شكل عنده ضغط مزمن وهالضغط دمره..

-وبيوم طلع طريق خارجي وسوه حادث
احتركت بي السيارة بذاك اليوم طلع تعبان
وضغطه مرتفع والسبب جانت نفسها ام دنو
شلته بيدي وملامحه ضايعه مفحم ريا
وملامحه كلها ضايعه ما تنشاف و بسببها..

-بعد ما اخذته وجان أصغر منها ١١ سنة
طلع متزوج و خلاها تبيع ذهبها وأخذ كل الوراها وكدامها اخذ عائلته وسافر وتالي رجعت علينا
ايد وره وايد كدام..

-ابوي من سمع انقهر وارتفع عنده الضغط
وتالي طلع وخسرناه بهذا الحادث..

-انقهرت كلش من طريقته كلامه وشلون يحجي
ويتحسر مبين اسر شكد مفتقده بعدها حجه
عن علاقته بي ريا ابوي جان صديق الي
اول ما تراهقت شربت جكاير بالسر و اتختل منه
ليش ما بيوم لكفني ضربني على كتفي بحيث
التفتت عليه واني احس كلبي طار وذبيتها من ايدي هو باوعلي بعتب وكال..

-لك بويه شيفيد تتختل مني ما دامك تتختل
الشيء الي تسوي بهالطريقة لو غلط لو حرام
الصح ما نظم راسنا و لا نتختل منا
انت حزام ظهر ابوك يا اسر ما اريد تسوي شيء من وره ظهري لان باجر راح تسوي الاكبر
منه وهيج تضيع روحك..