اسيرة قدرك

البارت 84

اسيرة قدرك..
بقلمي رسل..
البارت الرابع والثمانون..
واتباد rasolaa7

الله يدري
بكل شيء عشته وياك ما صار أعله نزوه
والشاهد الله ما بخلت وياك بحچايات حلوة
چنت أسمّيلك مساماتك وأعدهن
شهگه شهگه
وچانت الصفنة أعله وجهك هي صحوة وهي غفوة
چنت بس أنته الوحيد اليمّه أحس ما عندي قوّة
چنت گاضيها أعتذرلك
حتى لو چان السبب ما يسوه چان وياك يسوه..

-ضغط على زروري بقوة حسيت نفسي متت ايدي ما اكدر ارفعها هو بقى يجرم بيه رجلي
احس لحمها نشلع آخر شيء عطت بصوت
تعبان من نتلني وفقدت بعدما اعرف شصار
غمضت وجسمي استسلم بعدما قاومت هواي..

-فتحت عيني بتعب اباوع لروحي ما مصدكه
عايشه زين هو مو نتلني معقولة ما متت
معقولة جسمي هيج تحمل كل هالعنف افكار
غزت عقلي واني ما فاهمه شيء ليش هيج
سوه ومنو انطاه الحق هيج يجرم بيه
هذا مو مهاب الي شفته اليوم هذا وحش
نزلت دموعي سرى من انتبهت عليه كعدت
اجت عليه..

-الحمد لله على السلامة نورهان شتحسين
شلونج؟!..

-حجيت بتعب.. شكو وشصار شجابني
شبيه اني احجي سرى..

-هي كالت.. ماكو شيء حبيبتي اجه الدكتور
الي صاحه فارس بعد ما طلبت منه سرى
جيك وضعي بعدها كال.. الحمد لله من صحت
البنية ضربتها جلطه بس عابره ماكو شيء
يخوف..

-فارس باس راسي وبعده عمر هو حسيت
عليه موجود لمحته بعيد واكف سرى كالت
تلاغوا هو وعمر وفارس لان هيج سوه بيج..

-شوي وطلعوني وهو بقى يتوسلهم ارجع ويا
ومو قصدة وبس خلي افهمكم فارس دفعه.. لك
حتى الحيوان ما يتعاملون ويا هيج ما تايهتلك هي حتى هيج تمد ايدك عليها عمر ظل يغلط على مهاب اباوع عليه القهر واضح بوجهه سندوني ومشيت وياهم باوعتله بحقد وصعدت..

-صعدنا واحس النار شبت برجلي من الوجع  خليت راسي بحضن سرى ومهاب بقى يمشي ورانا بسيارته مقهورة كلش من مهاب ما جنت متوقعته يمد ايده عليه وهو صدمني صدمة عمري
اليوم وكانو اسير فلسطيني وكع بيد جندي محتل..

-رجعت بيه الذاكرة الذيج  الليلة والي بعدها
احاول اتذكر شنو الي سويته وهيج اتجازى
وشنو الي صار حتى يستاهل كل هالضرب
هو من بعدما قسى عليه بلمساته ثاني
يوم جان طبيعي وكانو فرغ غضبه..

-بدل واخذ روب المحاماة وطلع لان جانت
عنده مرافعة ودعني وطلع بدون خلك حبيبي
انقهرت عليه لان جان تعبان من الي صار
وقبله جانوا فارس وسرى رايحين الظاهر
من الصبح طالعين..