اسيرة قدرك

البارت 37

اسيرة_قدرك..
بقلمي رسل..
البارت السابع والثلاثون..
واتباد rasolaa7

تركتك والسبب واحد
تعب كلبي
وانه امن التعب شارد..

-نرفزني كلش ضليت اردد واعيد وديني هسه توديني.. هو طلعت روحه من ملحتي غلط عليه وركع لباب وطلع..

-اخذت جهازي ودكيت على ماما و حجيت كل شيء و حتى شلون متحلفات على نورهان
و معادياتها قبل لا تجي حجيت هي انقهرت
كالت مخبله انطيهم بعد مرة هو انتي وكلبي
يمج نوب ياخذون الثانية حتى تصير ضحية
الهم مثلج ما دام سماح ما تجوز ما انطيهم.. 

-حجيت شوي وبعدها سديته لميت غراضي و اخذت بناتي وطلعت لمهاب
وديني لاهلي هو كال خالي يدري باوعتله
بقلق.. اي كتله راح اروح..

-بعدنا ما طلعنا دك جهازه خفت يمكن هذا اسر
بس هو طلع برا شوي ورجع يصيح على
خالته و رجع على سمر كتلها جان عصبي كلش و بعدها التفتلي..

-ريا مو محترمج و غالية عليه و خليج محضر خير ما اريد اتجاوز رجاءا لا تدخلين و لا تخربينها نورهان الي يعني الي..

-والله تعذرني ما مستعدة اضحي باختي
واجيبها تصير ضحية لسماح وانت بعينك
شفت شلون سماح ما تخلي واحد مرتاح
ما اكدر اخليها تعيد امجادها وياي باختي..

-احركها لسماح اذا تقربت عليها شتحجين انتي مو كتلج اني مو صغير واخليها تتدخل وضل يغلط..

-سكتت شحجي بعد اذا اختي الغبية شحجي
وياها راحت اتصلت بي مدري شعاجبها بيهم
هم ذول منو يتحملهم هي هاي هم عيشه وياهم..

-رجع حجه بهدوء.. خليج واسطه خير بينا
لا تخربينها ريا كتلج اختج رايدها و ما اخلي
سماح تتقرب منها ليش هيج سويتي
وخليتيها تبجي وتخابرني تكلي ماما وريا
ما يردنا ننجمع كتلج اخذها وغصب عن
اهلج هم..

-الله كريم وهاي بعد ما احجي بس اريد منك
طلب اخذني لاهلي.. هو كال يلا..

-طلعت ويه مهاب والي يصير خلي يصير
اني تعبت كلش والله ما ضل شيء ما جربه
عليه من انواع الكتل هذا جسمي و اثاره
هي الشاهد على افعاله الظالمة بحقي..

-الطريق كله دموعي تصب مقهورة كلش
ما صدكت يصير زين وياي و حياتنا تستقر
رجعلي بسرعة وكلبنه عليه والله اني مليت منهن
كلش لا يخافن من ربهن ولا يهابن اخوهن..

-مهاب التفت عليه.. ريا لا تكبرينها خلي افركم
وغيري جو وارجعي ترى خالي هم حار بينكم..