اسيرة قدرك

البارت 24

اسيرة_قدرك..
بقلمي رسل..
البارت الرابع و العشرون..
واتباد rasolaa7

اثاريها المَلامِح تِفضَح المَتعوب..

-من اتصلت باختي جنت مخنوكه كلش احس
بضيق بصدري هي كالت بس اشوف واحد
يجيبني و اجي يمج..

-للعصر و اجوا اهلي جايبين اختي يمي
فارس احذني لحضنه.. شبيج منو وياج؟!..

-محد والله بس مخنوكه.. حجيتها و هو خطيه
باوعلي بخوف كال خاف مريضه فارس الوحيد
من كل اخواني احس بالامان بقربه خطية
كال من كالتلي نورهان اجيتج بسرعة عبالي
بيج شيء..

-بقوا يمي شوي و تطمنوا وراحوا قبلها طلبت منهم يعوفون نورهان يمي بالبداية ما قبلوا بس من كتلهم اريدها تساعدني تعبانه عافوها..

-دخلت و اسمع نورهان وسمر يسولفن بينهن
و سمر جانت تسألها على فارس وين يداوم
و شنو مخلص دراسة ما اعرف ليش ضجت
كلش خزرت نورهان و هي غيرت الموضوع
ما اريد احد يتورط مثلي و لا اريد لاخواني
منهم رغم بيت حماتي ام مهاب كلش زينين
بس صارت عندي ردة فعل من هذا الموضوع..

-على كعدتنا و اتصل عليه اسر.. ريا عيني
اكو ولد راح يجيب امانه خلي زيد يطلع ياخذها
منه و اريدج تدفنيها ما اريد واحد يلمحها لو
يفتحها ..

-و شنو هاي الامانة؟!..

-لا تسألين بس ضميها مو مالتي ديري بالج
تفتحيها ما اوصيج بعد اياج تنفتح ترى تصير
مو خوش..

-سديته منه و اني فكري كله بهاي الامانة
يربي اخاف لا يورط روحه اسر واني مالي
خلك هبطات و مصياب بعد روحي خلصت..

-ندك الباب و فز كلبي ركضت لزيد يفتحه
يشوف خاف هذا الولد اجه بس طلعت ام مهاب
خطية جانت متسوكه للبيت ما مخليه شيء
ما جايبته كالت اسر هناك و فكره يمكم
وصاني عليج و طلب مني..

-تشكرت منها وهي عينها على نورهان بوستها
فدوه تخبل هاي اختج و نورهان نطلقت وياهن
هي مجاملة مو مثلي..

-وره العشة شفتها تلوب تريد تحجي و تتردد
بعدها حجت.. ريا محتاجة منج شيء و خجلانه
احجي والله..

-عيوني الج كولي الي مثلج تستاهل ما مقصرة
ويانا لا تستحين..

-فدوه حبيبه رايده مليون من فلوس اسر بس بدون ما يعرف لا تكوليله استحي منه
لان محتاجته بشغلة و عوزت فترة و ارجعه..

-كمت طلعتلها من فلوسه و انطيتها ترددت
اكول لاسر لو لا بعدين كلت خطية هي تستحي
وهو اول وتالي ما يعز فلوسه على اهله
انطيتها وهي تشكرت مني و راحت..

-سمر و زيد بقوا يمي و نورهان انطلقت ويا
كلش تشبه اطباعهم اجتماعية و تحب تسولف
و تطلع وهم كيفوا عليها جنت جسد يمهم و فكري
يمه البيت مو حلو بدونه اشتاقيتله كلش
اخذت جهازي و دزيتله مسج بيت شعر و كتبتله اشتاقيتلك حبيبي شوي وهو اتصل اترخصت
منهم وكمت من جاوبته هو كال..