اسيرة قدرك

البارت 50

اسيرة_قدرك..
بقلمي رسل..
البارت الخمسون..
واتباد rasolaa7

البارت هدية للمتابعة user05038698
لتوقعها الصح..

ركض بينه الوكت ومن وكت شيبنه
وگعد حتى النخل بس ماگعد حظنه
نضم شگد حچي وحسبالنه مضموم
ثاري عيوننه تسولف وتفضحنه..

-تعللنا كم ساعة تغيرت بيها كل نفسيتي
ويه بيت خالهم و سرور الي خلت اسر
يحترك كلبه من الغيرة واني اضحك عليهم
هو خطية بالدوام وهاي تحرك بكلبه وتغور بي
البنية عجيبة لطيفة و محبوبة بشكل احس نسيت همومي و نسيت مرضي وياها..

-واكفة اغسل وجهي على المغسلة
و شعري طالع لانو ذبيت الحجاب و اعرف
محد موجود لهذا اخذت راحتي
المغسلة جانت برا قريبة على الاستقبال اغسل
ومدنكه وجهي فزيت بهبطه بعدما سمعت صوت واحد حجه بصوت عالي و جان بقصد التنبيه.. اللهم على محمد وال محمد..

-احس تخردلت ما اعرف الحجاب اجيبه
منا واودي منا هو دار وجه واجاني صوت
مهاب يلعلع مثل خاله هالولد.. ام مهرة
فوتي جوه..

-ركضت بسرعة للغرفة وكلبي يدك خجل على خوف ما ادري بيهم من رجعوا هفيت على وجهي
لو يدري اسر يموتني هو منبهني هواي وكايل حجابج مينزل من راسج بره الغرفة
نشفت وجهي و عدلت حجابي و اني فشلانه
منهم ومن مهاب بس ما ادري بيهم حتى
ما سمعت صوتهم من دخلوا
يلا مهاب الي شافني ولا سماح جان بسرعة راحت لاسر و غردت الاول والتالي
وطلعتني وحدة مو خوش..

-طلعت يم البنات بعدهن كاعدات..  ماتشبعن سوالف حجيتها وهن سحبني  يمهن بقيت اسولف وسويتلهم كهوة وصحت مهاب انطه للولد تعللنا وبعدها نعست كمت فرشت الهم ورحت نومت بناتي وبالي يم اسر البيت رغم هوسته و اللمة حلوة بس مفتقدته وجوده يغنيني عن الكل حيل اشتاقيتله احس اليوم بدونه ما يخلص..

-الصبح طلعت اسوي ريوك جانوا كلهم
كاعدين صبحت عليهم ورحت للمطبخ الي جانت
موجودة بي سماح جانت تحضر قبلي من شافتني كالت..

-ولج  وروح ابويه ما اعديها عبالج ساكته
عنج و تخلصين مني الا افضحج الحرامية..

-بربج ما تعبتي يعني هاي شنو صباح الخير
لو استفتاح وحتى اطمنج عيني مليانه الحمدلله 
واسر اروح فدوه لوجهه كايل حالي ومالي الج
بعد انتي شبيج شنو ماخذه منج حتى هيج تحجين..

-سهله ريا وعساها الخمسمية بطن  اهلج سم..

-ضحكت.. شبيج ذبحتي روحج عليهن شبيج مشايفه بعدين لا تجذبين و تصدكين جذبتج..

-عفتها طلعت كعدت يمهم مرت خالهم كالت تعالي هنا يمي خالة كعدت هي كالت..  شلونج اهلج شلونهم مرية مهاب شلونها؟!..