اسيرة قدرك

البارت 55

اسيرة_قدرك..
بقلمي رسل..
البارت الخامس والخمسون..
واتباد rasolaa7

‏أجِيءُ بحالاتِ الممنوعِ من الصرفِ
‏و أنتِ ضروراتِ الشعرِ
‏ولا منعَ لديكِ
‏تعالي بالكسرِ
‏أجِيءُ أنا بالنصبِ
‏و ضُمِّيني..

-حبيبي سالفة انتهت وخلصنا من المشاكل
هسه شذكرك؟!.. حجيتها هو كال يا سالفة
قديمة هاي غير اليوم حاجاني و طلبها مني..

-صدك يعني خطب سماح زين وانت شكتله؟!..

-كتله الله كريم.. وخالي هم حجيت ويا كال
لاتوكف بقسمة سماح انطيها وهم تخلصون
من المشاكل خليها تشوف حياتها..

-بس بقت امي وسماح طول ما امي ترفض هذا دمر حياتنه قررت احجي وياها تنطيها ونخلص شكد جنت رافض اذبها هيج وما ردت اتعاجز
منها و لا انطيها لواحد ما يستاهل بس الظاهر
هي تريده ومو صغيره تعرف مصلحتها
وهم اول عائق راح يروح من حياتنه..

-تنهدت.. تهمتها هي الي مرضتني بساعتها حسيت كلبي راد يوكف اسر هواي اذتني
ابد لا توكفون بطريقها و ترفضون اخاف
نوب ترجع عليه وتزيد بحقدها..

-باسني.. خل تولي تنكلع اهم شي صحتج
عندي ما دام هيج تريده هذا هو اني اقنع امي..

-ثاني يوم حجه ويا  عمتي على سماح
وكعد يقنع بيها وهي مصرة على رفضها
بس كلهم قنعوها هي تريده وكالها ورا عرس مهاب نتفق لان الولد بعد خابرني وخابر خوالي
ويريدها و بنتج تريده ما دام حجت ويا من
ورانا خليها تنكلع ويا لان حتى اذا ما قبلتي
بعد ما ترجع هنا تبقى يم خالي..

-كم يوم و لمينا غراضنا نرجع ونودع هذا
المكان الي لمنا بوقت جنه بي بخطر وقلق
وارتاحينه هنا هواي بس لازم نرجع الخطر وزال
الحمد لله اسر انطه كم حاجه لصديقه لان كال
مو كل شيء ناخذه رحنا سلمنا عليهم وسلمنه المفتاح ورجعنا سيارتين سرور ويانا هم جانت اسر اجر سيارة لامه وزيد  وام مهاب وسرور وسمر والبنات ويانه وصلنا اخذ اهله للشقه وبقت يمهم ام مهاب ينظفن بيها و يرتبنها لان
جانوا تاركيها..

-بعدها طلعت ويا وصلنا يم بيت.. انزلي
يلا نورتي بيتج  ولو ايجار بس حتى ترتاحين
واني هم ارتاح من المشاكل دخلت بفرح
البيت صح جان صغير بس نضيف ومرتب
وحتى اثاث بي..

-دخلت للصالة وانصدم بفارس ومهاب موجودين طرت من الفرح رفعت راسي على اسر الي ابتسم
الي ركضت رحت شبكته لفارس جان متغير 
وضعفان ابوس بي وما مصدكه هيج مسويلي
مفاجاة اسر هو صح كال خليته بمكان يرتاح
بي بس ما اتوقعت هنا موجود واشوفه بعيني..

-اسر بعدني عنه.. كافي شنو السالفة فارس
ضحك همسلي.. روحي هذا يغار حتى مني..

-ضحكت وسلمت على مهاب الي كال اني حايط متسلمين عليه لو شفتي اخوج ونسيتينا..