اسيرة قدرك

البارت 82

اسيرة قدرك..
بقلمي رسل..
البارت الثاني والثمانون..
واتباد rasolaa7

لايروحي گولي چذبة
گولي باچر نفتح عيون الحلم ونرد علينا
گولي باچر الله يتراضى ويجينا
كلشي گولي ولا تگولين انتهينا..

-رحت عليها.. شلون ولج تعوفينا ليش
تردين تعوفين امج وتروحين بالغربة
هي كالت..

-نورهان المن ابقى واني اخو وليد صار فترة يلح عليه.. انتي امانة وليد وما تروحين الغريب
رايدج مرة الي حتى اذا بس عقد المهم ما
تاخذين واحد غير وليد وهو نفسه بيج..

-حجيت بصدمة.. شنو من امداه منو هو وهيج
يحجي وياج مو من حقه انتي لا متزوجة
ولا عندج طفل ونكول يردون ابن اخوهم يمهم
خلي يولي هذا حتى الاخو ما خله احترام
بهذا تفكيره بعدين انتي بعدج صغيرة وليد
الله يرحمه بعد هذا يومه الله يصبرج وينسيج
ومن حقج تتشوفين حياتج..

-هي نزلت دمعتها كالت.. نورهان شتحجين
ترى هذا وليد مو اي واحد شلون ينطني كلبي
افكر اتزوج من بعده وهو نحرم من شبابه تدرين قبل من يصير عندهم واجب خطر يتصل عليه
ويكعد يترجاني لسه اتذكر كلامه جان يكلي..

-ناز احبج هواي والله واصل وياج مرحلة العشك اذا اموت لا تزوجين من بعدي كولي عندي واحد يغار عليه عليه حتى وهو بكبره..

-رجعت حجت بقهر.. جان دائما عنده هيج تفكير
واني اتعارك ويا لان هيج يحجي جنت اخاف
من سيرة الموت اخاف عليه هواي من يروح ابقى اوصي بي تالي صدك راح وعافني يلا كولي شلون اكدر انساه شنو انسى حنيته لو خوفه
ولهفته عليه لو فرحته باخر ايامه ويجي هذا هيج يحجي اروح احسن اني هنا تعبت والله يمكن عاد ارجع ادرس اشغل نفسي..

-حضنتها حبيبتي شكد كاتمة ومتحمله
حضرت غراضها وعمتي شبعت بجي شكد
رادوها تعدل عن قرارها بس هي جانت مصرة
تسافر ويا ابوها سلمت عليهم وطلعت
وتركت مكان فارغ وموحش وراها
راحت وهي محملة مهموم وجرح وليد
الي بكلبها ما طاب غادرونا اثنينهم
بس الفرق انو وليد راح بدون رجعة وهي حكمت
على اهلها بالفراق ويمكن هروب من واقعها
الاليم..

-مرت ايامنا بين مرة وحلوة أطفالي دخلوا
بعمر الاربع سنوات مهاب متعلق بيهم هواي
وهم صح وكحين بس ضافوا روح وضحكة
للبيت اشكر ربي على وجودهم..

-بليل دك جهاز مهاب جانت عمتي هو رفع خط واسمعها تكله..يمه مهاب تعال لاخوك ناوي يموتني مجاي يسمع ولا يقنع..

-جاوبها يمه شكو شبي؟!..

-غير طالعلي بسالفة بت عمتك او لو هي لو ما اخذ ما يسمع مني يمه انه ما اريدها شعايزه
هو شاب واكو من الي يتمناه يركض وره
مطلكة ليش لو الا تحركون كلبي..