اسيرة قدرك

البارت 26

اسيرة_قدرك..
بقلمي رسل..
البارت السادس و العشرون
واتباد rasolaa7

مو قصدي اذكرك بالجرح
وابدي العتب مو قصدي
بس انت تدري من اختنك
غير الدمع ما عندي..

-كم يوم واجني خواتي و خالاتي يمنا يشوفني
التمينا و تونست كمت و يه اختي اسوي اكل خليت الطاوة على النار و زيت بيها بعدني ما ذبيت الاكل و اسمع صوت صريخ من بيتنا..

-احتركنا احتركنا طلعت ركض مرعوبه واشوف
النار كابه بهاي اللحظات روحي صارت ببناتي
ركضت للأستقبال و اني اردد يارب استر
يارب احفظهن..

-لكيتهن بيد فارس شايلهن و طلهم من الباب طلعت ويا و اشوف الحديقة النار كابه بيها الشجر كله محترك و النار و الدخان بيهم وما يزيدون جو مرعب خواتي طلعن اتذكرت الطاوه
عفتها مشتغلة رجعت ركض للمطبخ واني
حيلي مهدود من الهبطة و اشوف الطاوة سودة
و محتركه و النار بيها من الطرف ببال مشغول ذبيت مي عليها ما اشوف غير النار زادت
و اللهيب صعد للسقف الثانوي اخذت و صله
وشلتها اريد بس اوصل و اذبها بالسنك
فلتت من ايدي و وكعت و الدهن كله على رجلي
صار صرخت صرخه من الوجع الي ما ينطاق
اجاني فارس ركض على صوتي سندني
و طلعني برا حالتي حالة وبدون حجاب بس
دشداشة لابسه و الجيران ملتمه تطفي النار
الي بنخلة التمر طلعنا من بيتنا ما خلونا بي
جيرانه استقبلونا يمهم..

-فرفحت روحي من الالم اباوع لرجلي انصلخت
وحمرة صارت البنات تلاحكوني بمعجون اسنان
و اني بس ابجي نورهان كالت اتصلوا على اسر
خاف ذول نفسهم الي هددوكم..

-موبايلي مو يمي.. روحي لفارس خلي
يتصل عليه و يكله على الصار..

-راحت شوي و رجعت كالت خطية متخبل عليكم
يكول لفارس بس كلي ريا و البنات خاف صار
عليهن شيء و اهلك شلونهم..

-فارس كايله بس ريا احتركت رجلها و هسه
هم يم بيت جيرانا لان أأمن عليهم وهذا متخبل
عليج.. عشر دقايق واني يمكم كايله و ساده..

-اقل الربع ساعة واجه علينا فارس.. ريا
اسر بالباب يريد يشوفج..

-طلعتله اعرج وكوه امشي و الدموع بعيني
من الوجع بس شفته برطمت و نظراتي تشكيله
الحال هو اجه عليه سندني شاف رجلي
حمرة و الحرك كلش عاط بيهم.. جيبولها
عبايه بسرعة خلي اخذها لا يلتهب الحرك
جابولي لبستها و طلعت ويا واني الوب
من الالم هو ساندني و يهدي بيه..

-صاح على فارس يجي ويانا اباوع سيارات
شرطة متجمعة يم بيتنا صعدت بالسيارة وهو
صعد يمي و انطه لسويج لفارس يسوق وهو
حاضني اني دموعي بس تصب و اضغط بقوة
على ايده من الم الحرك..