اسيرة قدرك

البارت 47

اسيرة_قدرك..
بقلمي  رسل..
البارت السابع والاربعون..
واتباد rasolaa7

روحـَي ياروحـُي شبعّد بيهـٰا والمها
روحـَي داسـُوا فوكها وكسروَ عظمها..

شكرا للمئة الف متابع للقصة
احبكم..

لميت الغراض هو كال عوفيهن و جيبيلي جاي
فتحت الباب و انصدم باخته واكفه يم الباب و
من شكلها و ارتباكها جانت تتصنت..

-من شافتني عدلت وكفتها.. ريا اجيت عليج
اريد دهن لو كريم مال حروق وكلت بلكي
الكه عندج..

-ما عندي ما جايبه وياي.. حجيتها هي باوعتلي
بنظره و ضحكت وراحت.. تنهدت عرفتها
من هاي نظرتها و ضحكتها سامعة كل شيء
ياربي شلون بيه يعني شسوي وياهن وصلت
بيها توكف تتصنت على غرفة اخوها والله
لعبت نفسي يعني رجال ومرته والباب
مسدود شنو من نفسيه عندها بحيث هيج تسوي..

-كملت طريقي للمطبخ و سويت جاي و صبيتله
و انطيته هو اخذه مني.. عاشت ايدج..

-اخذت جهازي و اتصلت على نورهان سألتها
عن حالها كالت زينه بس ابد ما طمنتني على
فارس بحيث من سألتها عنه كالت ريا فارس
منتهي ووضعه يسوء يوم عن يوم وبس نايم..

-وينكم عنه شبيكم خلي ياخذونه طبيب شنو
تبقونه هيج ومرام لعد وينها؟!..

-مرام ماكو بيتهم معروض للبيع وشكد ندك
عليها مغلق وهذا انتهى وراها من يوم الي اختفوا..

-مهاب شلونه وياج؟!..

-ماكو منه حتى عمر وكفه عند حده وحاليا
نطلع نجهز..

-الله يسعدكم بس لا تطلعين ويا وحدكم فدوه
نورهان والله اخاف عليج اني مو تفكرين
اني هواي لحيت بس كل هذا من خوفي..

-هي كالت لا لتخافين ان شاء الله ماكو شيء
سديته منها و كلبي كله يم فارس يلعن ابو
المسافات الي بعدتني عنه جان رحت شفته
وطمنت عليه مو هيج حالتي وكلبي مفرفح عليه..

-كمت توضيت ورجعت دعيتله خوفتني عليه
نورهان القلق والخوف بين عليه اسر سألني
شبيج عباله موجوعة بس من كتله على فارس
هو كال ان شاء الله مابي شيء لا تضلين
تحمسين بروحج مو زين على كلبج..

-اخذني بحضنه.. كافي يا عيني هسه عبالهم
مزعلج هاي كلها منتبه عليج اليوم حزينة وكالبة
الخلقة.. حضنته بقوه ما حجيت شيء ادري
بي يحاول يهديني بس اني كلبي مشتعل نار..

-خلص هذا اليوم بين التفكير و الشغل الفجر
كعدت حضرت جنطة اسر اليوم يلتحق 
هو جان بالحمام  واني احضر
بالجنطة و دموعي تنزل ويه كل شيء اخلي..