اسيرة قدرك

البارت 22

اسيرة_قدرك..
بقلمي رسل..
البارت الثاني و العشرون..
واتباد rasolaa7

روحي ما تسعفني كلش
و الخلك صاير نحس
و لا تفززني على باجر
باجر اتعس من امس..

-مو حجيت هيج لو جنيت على روحي
ضل يهدد و يرعد **** والله اجيج لو
تصيرين باخر الدنيا تردين ابن خالج مو
ريا سهله..

-عوفني لخاطر الله كافي كل هذا و بعدك
تهدد ما مليت مو كافي اكرهك اسر اكرهك
روح لاهلك الي يمشوك بكيفهم ريا منو
وليش تريد ترجعها حتى ترجع تفرغ غضبك
بيها و اقل شيء تضربها..

-شكد حجه و فقد اعصابه واغلب كلامة جان تهديد بس ما كتله ابد على مكاني مستحيل
اسامحه بسهولة مثل كل مرة و هاي المرة
الي مقويني و مخليني صامدة هو بناتي يمي
وجودهن يمي ما خلاني اضعف و ارجع
سديته منه و اني اتذكر كلامه شلون تطلعين
من البيت بدون علمي قهرني بهذا كلامه
حيل حسيته ابد ما متندم و لا حاس بجريمته
شلون ضربني بحيث ضليت ايام اني ما اكدر
امشي ولازم احد يسندني ردته سند بدون ما احتاج احد بوجوده بس هو خذلني و لهواي من المرات
بسببه صار الي يسوه و الي ما يسوه يتشمت بيه
بسببه صرت انسانه اضعف بهواي من قبل
بسهوله يكسروني و يتهموني..

-قفلت الجهاز و حاولت اشيله من بالي حتى
ما افكر لا بي و لا بالمر الي عشته يمه
مر اكثر من عشرين يوم تقريبا على وجودي
بيت خالي ارتاحيت نفسيا ضهري تحسن شوي
كل يوم ياخذوني لمكان سوك حديقة مطعم
تونست هواي يمهم جهازي ما افتحه الا قليل
اطمن على اهلي و احجي ويه ام مهاب
الي ما تركتني دوم تتصل و تسأل عني
و تحجيلي عنهم حاولت وياي هواي بس جنت
مصرة وهي من شافت اصراري تركتني..

-اخر مكالمة ويه ام مهاب حسيتها مو طبيعية
و بيهم شيء سألتها نكرت اصريت عليها
كالت..

-ريا عمة ام سارة ماكو اختفت  و بيوتنا كلها داخلة انذار و رجلج والولد من محافظة لمحافظة يدورون وما ندري وين ميته عايشه مخطوفة..

-اي خبر تحصلين طمنيني فدوه و ان شاء
الله تلكوها..

-كل يوم اتصل عليها و ماكو جديد اسبوع
كامل هم مدمرين عليها ما خلوا مكان يعتب
عليهم بعد هذا الاسبوع اتصلت عليه سهى
تبجي.. ريا عمتي طلعت مخطوفة..

-انصدمت من حجتها هي عمتهم متمكنين
وفلوس و منصب انقهرت عليهم خطيه
كالت شلعوا كلوبنا يلا اتصلوا على رجلها
وطالبين منه مبلغ جبير ولازم يتسلم بمكان بعيد..

-نقبض كلبي من سألتها منو الي يسلمهم
وكالت اسر احس كفختني على راسي صحت
بيها بدون شعور..

-تحجون صدك انتم شلون هيج تجازفون بي
هاي عصابة و خطف والوضع صاير لعبان
نفس ليش تخلون اسر يروح لاتخلونه عفيه
ام مهاب انتم ما تخافون عليه ترى هاي مو لعبة..