اسيرة قدرك

بارت 63

اسيرة قدرك..
بقلمي رسل..
البارت الثالث والستون..
واتباد rasolaa7

عريان السيد يكول:

اذا طكاتنه من اعزاز
جا ياهو اليرد حكنه..

-اجاني صوت بنية تبجي و تشهك بالدموع..

-ما ركزت على الصوت اكثر حجيت مرة
ثانيه.. منو؟!..

-اجاني صوتها بنبره حزينه.. اني سمر افتحي
الباب..

-فتحته بسرعة هي بس دخلت شمرت نفسها عليه و تبجي بحركه.. رفعت راسها من حضني..

-شبيج حبيبتي منو وياج.. ما حجت شيء جانت مقهورة والعبره خانكتها دخلتها جوه جبتلها مي
شربت شوي..

-شدعي لو شحجي على امي وسماح حطمني
كله بسببهم دمروني..

-شكو غير افهم.. حجيتها وهي كالت.. ما اتحملهم ولج طك كلبي امه تتأمر عليه ليكول خدامة اشتغل عدها مو جنتها واخته تجي من المختبر كبل تنام
والخدامة تفتر وياريت راضين..

-يطبج طوب شبيج  انتي لسانج قاصر وما تعرفين تردين تحجين لو هم
فاهية ومدكه.. رجلج وين وشلونه وياج؟!..

-هي تنهدت بقهر.. لا تحجين بي هذا الله ذاب عليه دين بس قال الله وقال الرسول بس هذا
الفالح بي..

-ضحكت.. وما عاجبج ولج مو احسن من ما بطله ويفتر وهو سكران وفاضحكم..

-دولي انتي الثانية اريد واحد يضربني شخصيته قوية عليه هو صح عصبي ولبيت يكلبه جحيم
لو صار عصبي بس ميضرب انطي بس يخزر ويصيح..

-رفعت ايدي وغميتها.. صدك انتي مو وجه
نعمه وما تعرفين لا تحجين ولا تحافظين
على بيتج.. هي باوعتلي برفعة حاجب ما عاجبها
كلامي صحت بيها..

-لا تباوعين هيج  ولج احذر الحليم اذا غضب خبله انتي مو زين محترمج وما يشرب ولا يمد
ايده عليج شتردين لعد يكفخ بيج ساعتها ترضين
يعني هاي رجولة من امداج على هالتفكير..

-وهسه جيتج شنو  زعلانه لو خطار؟!..

-هي ابتسمت على اساس اجي خطار وتعاركت ويا بسيارة علمود اخته لان متشتغل وبس
اني الي اشتغل لهذا اعتبر نفسي زعلانه..

-هزيت ايدي حرامات لو ضاربج بسيارة بلكي
يرجع عقلج لمكانه.. هي كالت علمود اشمر روحي من سيارة شحده يضربني تايهتله اني..

-فتحت عيوني بصدمة وضربت على خدي.. وعلي انتي نص عقل هسه مو تكولين  اريد يضربني وتالي تاهيتله عمي الله يساعد الرجال
عليج زين لهسه ما مجلوط..

-ولا عبالك احجي كامت بدلت ورجعت.. اكلج اني جوعانه..

-هسه كعدت وحتى بعدني ما متريكة اكوم
اسوي شيء ناكله حجيتها و اشو هاي نست
الزعل وكامت كفت ايدها.. افا هسه اسويلج صينية مرتبه..