اسيرة قدرك

البارت 68

اسيرة قدرك..
بقلمي رسل..
البارت الثامن والستون ..
واتباد rasolaa7

‏أداري
وگضـت روحي إنـذور
لا ود لا شمـل يلتم..
‏

-كعدت الصبح مكانه فارغ كلش ضجت
من وره العلاج قوي ومن انام بعد ما ادري
بروحي حسيت اشتاقيت اله كمت وعيوني
دمعت طلعت اصيح عليهم وين اسر..

-ماما ابتسمت.. راح للدوام يمه وخطية ضل
يوصي بينا عليج و كال وين ما تريد خلي
تروح تتونس وتغير جو..

-شلونج اليوم؟!.. الحمد لله حجيتها ورحت
اخذت موبايلي دكيت اجاني صوته شوي
عالي.. هلا بام بناتي شلونج من اروح فدوه لصوتج..

-حبيبي شو هوسه يمك ليش هيج صوتك؟!..

-دنمشي بالرتل عدنا واجب وذول جماعتي
يمي يحجون.. رجعت حجيت بقهر.. ليش من طلعت مكعدتني شلون تطلع بدون ما اشوفك
ليش هيج اسر..

-هو ضحك.. مردت اكعدج واني  ما صدكت نمتي وغفت عينج .. ديري بالج على نفسج  واقري قران وصلي لا تنسينها لا تخلين بالي
يمج عشكي انتي..

-ان شاء الله حبيبي دير بالك على نفسك..

-رجعت يم البنات فرحانه بشوفتهن هم تبهذلن
وياي كل فترة مريضه وعايفتهن من هاليوم
حسيت عافيتي بدت شوي شوي ترجع بس ما رجعت ريا ايام زمان دائما اتخيل شغلات سواد تخطف وساعة بياض ومرات عبالي بشر وراية
وهالشيء متعبني كلش صح تصرفاتي هواي
احسن من ذيج الفترة بس هالاشياء ما فاركتني..

-صدمتي و فرحتي بعمر جبيرة كل شوي يدك عليه من يروح لدوام ويسأل شلون صرتي ومن يجي من دوامة يكعد يمي يضحكني لو يسولف
وياي كلش تغير وياي باسلوبه وحنيته..

-اسبوع واني احارب تعبي وضيق النفس
والاشياء الي اشوفها بدوامي على صلاتي
وقراءة القرآن وهالشيء كلش غير من نفسيتي..

-العصرية ندك باب بيت اهلي طلعت سرى تفتح وانصدم بشوفة عيالي عمتي وام مهاب وسماح وبتهم الثانية دخلن سلمن وتحمدن على سلامتي اهلي ضيفوهن ضليت متصنمه من سماح
الي شبكتني وهمست.. ريا اعذريني  وارجعي ويا امي ندمانه على كل يوم اذيتج بي وخلي امي
بعيونج..

-استغربت من حنيتها بس ما حجيت شيء
بعد وكت هسه يلا تندمت بعدما طاح حضي
وتخبلت وشفت الويل منهن..

-هنا انفتح موضوع البيت اثناء السوالف عمتي حجت.. خاله انتي بنتي الصغيرة وماعندي اذيه عليج وليدي كلبي معلك بي واذا ما اشوفه
ما اتحمل ابقى مثل المضيع شيء يمه متعلقة بي كل صباح اكحل عيوني بشوفته وادري بيج انتي هم تعبتي ويانا واسر كال كلبها تعبان هل فترة
بس اني بحسبة امج وهاي جيتي عليج اريد
انتخي بيج تقنعين وليدي نكعد سوه على حب الله وهم ما بقى احد بالبيت مو مثل كبل سماح راح تعرس وام دنو زلمتها بعد هل سنين بنته حلت بعينه ورايد يرد امها لاجل بنته تبقى يمه
وهم بلكي الله يلم شملهم..