اسيرة قدرك

البارت 69

اسيرة قدرك..
بقلمي رسل..
البارت التاسع والستون ..
واتباد rasolaa7

صحبة عمر جانت
والعمر دربين
أشو باول الخطوه
و ماي وجهك طاح..

-وداني لاهلي وراح طول النهار كل شويه يدك عليه ويطمن لحد ثاني يوم العصر ادك عليه
ماكو شوي وطلعلي مغلق..

-اشتعلت شعل دكيت اكثر من مرة ونفس الشيء يطلع مغلق احس كلبي نقبض يربي شصار
ويا رجعت دكيت على زيد بس جاوب
ثواني ونسد ياربي كلبي ابد ما مرتاح اخاف
صاير شيء وياهم واني ما ادري دكيت
محد جاوبني..

-كم دقيقة وجان يدك موبايلي ناز الي متصلة
رفعت خط واجاني صوتها تبجي.. نورهان انتي صديقتي ومرت اخوية مستحيل اخلي احد يجذب عليج لو يستغفلج نورهان اني معليه والله ما جنت
راضية..

-صحت.. ناز احجي شصاير ترى روحي طالعة..

-مهاب لج نورهان رجلج خطبته اليوم
وخالاتي راحن ويا ولأجل مصلحته راح
راضه بابا وجايبه ويا كدام الناس نورهان لحكي
على رجلج ترى خالاتي سون الي براسهن
وخطبله..

-اسمعها واحس فصلت عن العالم الي سمعته
منها جان شيء يصعب عليه انو استوعبه
والله عبالك جنت فوك واحد ضربني بالكاع
بقوة..

-ناز اكيد متوهمة شنو تحجين مهاب عنده شغل
يا خطوبة لا توكعين كلبي..

-هي صاحت وصوتها كله نبرن حزن.. نورهان روحي قبل لا تم الخطبة روحي قبل لا ينهدم
بيتكم من وره خالاتي لحكي فدوه وترى
لا اني ولا سمر ولا ماما ولا زيد قابليله وامي يومية تتعارك ويا بس هو ميتحاجه احنا
معلينا هاي هو وخالاتي خططوا
والله خابرتج لان عزيزة عليه وما اكدر اسكت اكثر..

-ناز كافي لا تحجين اكثر دليني وين هم هسه
لو انطيني عنوانهم..

-دلتني بيهم وكالت البنية امها تصير صديقة خالة بالدوام هاي خالتها الي طردها اخوها ابو جود
والله وطلع ما ينلام بيها..

-خابرت بسرعة على اختي الجبيرة واختي ام سجى وسرى وزوج اختي كتلهم اخذوني بساع لهذا لمكان
لا والله اروح وحدي هم سألوا بس رادو يعرفون
ما جاوبت ابد ولا حجيت شيء اخذوني وطول الطريق إحاول اصبر بنفسي وادعي
ربي ينطيني القوة وما اضعف من اشوفهم
لان صعب والله صعب ومحد يدري بالنار
الي بيه..

-وصلنا نزلت بسرعة دكيت الباب وما انتظرت
مستمرة ادك طلعلي طفل بس فتح الباب
دخلت جوه كلبي تكسر الاجزاء واني اشوف حب حياتي والي سميته سند وابو بيتي كاعد وذيج الكشخة الإبتسامة العريضة ماليه وجهه..

-اول مدخلت هلهلت.. الف مبروك ابو بيتي منك المال ومنها العيال.. هو التفتت عليه بصدمة..

-باوعت نور وام دنو وسماح واختهن
كاعدات.. ها حيايه ارتاحيتن هسه من سويتنها بقيتن ورا ورا لما سويتن الي براسجن
رفعت ايدي.. حسبي الله عليجن وان شاء الله حوبتي ترجع عليجن اضعاف و مسلمتجن
للبطل عباس يعثرجن ويوكعجن بنفس الحفره
الي تحفرنها لغيرجن و تهجمن بيوتهن..