اسيرة قدرك

بارت62

اسيرة قدرك..
بقلمي رسل..
البارت الثاني والستون..
واتباد rasolaa7

يگول :
حاچيني ، گولي تدللي
لو ردتي قلعة بنص بحر
ٳي والمَسيح ٲبنيها..

-ركضنا عليه اني ونورهان وسرى ورانا واشوف اخوي مثل الي ينازع و روحه جاي تطلع العيون حمر و الخشم ينزف دم و الوجهه ازرك..

-شلنا من الكاع خليت راسه بحضني تهسترت واصيح باعلى صوتي افرك بصدره اريده بس
يتنفس ودموعي تنزل على وجهه على صوتي
وصوت البنات طلعوا اهلي بس عمر ماكو لان
جان بالدوام..

-بساعتها فارس انتهى جان شلنا وهو مثل
الجثة بين ايدنا اخذوا ماما واخوية الجبير وسرى ركضوا بي للمستشفى..

-دخلنا اني ونورهان للبيت واني كلبي يم فارس
الي انتهى وادعي ربي ما يفجعنا بي طلعت
تمارة من غرفتها باوعت عليه بنظرة استهزاء جان تكول..

-شبيج **** شهالصوت خبصتينا بفارس
جلب ومات من هالسم الي ياخذه..

-ما تحملت كلامها الي مثل السم بس الساقطة هيج تحجي على اخوها ركضت عليها وسحبتها من شعرها وهي تضرب بيه واني اضرب ولسانها يلعلع صحت بيها.. لج انتي شكد ادبسز وحاقدة اكو وحدة هيج تحجي على اخوها كون من
عمرج على عمره حقيرة..

-نورهان فاككتنه ودفعتها عني وذيج مستمرة تغلط عليه لحد ما راحت للغرفة النذلة فرفحت
كلبي من تروحين فدوه لفارس ولكلبه الطيب..

-اني ونورهان بقينا ننتظر وماكو خبر
نتصل عليهم محد يجاوب كلوبنا نار ومن اتذكر شكله شلون وكع واختنك بين ايدي روحي تطلع الليل هذا بطوله اني وياها ندعي و نريد بس
احد يتصل لو يجاوب و نتطمن..

-ثاني يوم الظهر يلا دخلوا ماما وسرى ركضنا عليهم سرى كالت.. عفنه عمر يمه بليل يطلعو وصاير عنده تسمم كلش قوي..

-اكيد هذا من السم الي ياخذه حجيتها ورحت يم
ماما خطية جانت تعبانه قهر وهبطة اصلا
وكعة فارس دمرت نفسيتنا..

-اجتي نورهان.. ريا راح نبقى هنا هسه اتصل مهاب ومن عرف بوضع فارس كال ابقي يمه خطية وهو راح يم صديقة لان تعبان
وما يكدر يعوفه..

-خوش لعد وهم نشوف فارس شعدنا راجعين
واني وحدي..

-بالليل اجوي فارس وعمر سانده شكله يموت قهر ذبلان و بس جسد خاوي ويمشي دخلوا بالغرفة الي جنت الصبح منظفتها وغيرت مفارشها وهويتها وشغلت بيها قران بلكت الله يهدي على نفسه رحت يمه بسته وهو بس يبتسم بتعب ما اله خلك يحجي ماما حضرتله شوربة وجبرته
ياكل شوي..

-عمر جانت نظراته عليه قهر من شاف امي
شلون تعبانه و تهم بفارس هو حجه وياها
وطمنها.. يمه والله ما اعوفه ابد هاي المرة
لحدما اشوفه صار زين وبطل هالسم وكلنا
ويا لا تخافين..