اسيرة قدرك

البارت 45

اسيرة_قدرك..
بقلمي رسل..
البارت الخامس والاربعون..
واتباد rasolaa7

ياعطية الله إشحلاتك
وإشحلاة اللهفة والرجفة
ابـ محطات
انتظارك..

-ما نسمع غير الباب تفلش علينا كلها ثواني
وما اشوف غير مهاب دفع عمر و صار
فوكاه و يضرب بي..

-مهاب بهاي اللحظات فقد اعصابه كلش بحيث
عمر انتهى جوه ايده وهو يصيح عليه..

-لك كلب اكصها لايدك الي تمدها على مرتي
**** ما كادر غير بس على خواته النذل..

-اجوي بابا وفارس وكوه فاككوهم لان عمر هم
تخبل من هذا غلط عليه وصارت كلش بينهم
مهاب هنا فقد كلش سحبني من ايدي..

-امشي ما تبقين يم هذا السكط كادر بس
عليجن ال****..

-هو حجه هيج ورجع عمر هجم عليه بابا صاح
عليهم ابتعد مهاب ونظراته غضب على عمر
كال لبابا خلي بس احجي وياها..

-رحت ويا للاستقبال واسمع بابا يرزل بعمر
لان فاضحنا كدام الكل دخلنا وهذا نار من العصبية صدره يصعد وينزل ويتنفس بغضب..

-كافي فدوه راح يصير بيك شيء خلي يولي.. صاح.. لج شنو خلي يولي هذا الكلب كادر
بس على خواته والله اطيح حضه..

-وين ضربج هذا النذل اذاج؟!..

-ما ضربني مهاب فدوه ما بيه شيء روح
والله اخاف من المشاكل روح فدوه والله
ما عليه شيء..

-صاح بيه بصوت فززني.. لج شبيج شنو هالخوف لعد ترديني اتانيه يخلص عليج
شنو بايكج اني منهم ما يستحي هيج يحجي
ويه اخته..

-لا مو هيج فدوه اروحلك اذا تحبني اتجفه
الشر وروح هو هيج ما يفيد ويا لخاطري
مهاب عوفه وروح.. ضليت احلفه و اتوسل
بي هو تنهد و رجع حلف بابا وماما ما يخلونه
يمد ايده عليه طلعت وراه للباب..

-لا عبالج رايح هنا منتظر براس الفرع ما عندي
شيء للصبح اليوم واريدها من الله يرجع
عليج حتى ارجع اربي من جديد اخ لج والله
كلبي محمل منه.. ابقي على الخط متسدينه..

-اباوع عليه فعلا صعد بالسيارة وما حرك
دخلت جوه فات عمر اتراجعت هو كال..

-اني اعلمج وراح.. صعدت للغرفة و عبرت
الوحدة ومهاب بسيارته ما رايح كوه حلفته
يروح كتله جوعانه اريد انزل اكل يلا طلع..

-نزلت للمطبخ البيت هدوء بس استغربت من
ماما كاعده على الكرويته وشكلها مهموم
اجيت يمها.. شبيج ماما ليش كاعده وحدج؟!..