اسيرة قدرك

البارت 67

اسيرة قدرك..
بقلمي رسل..
البارت السابع والستون ..
واتباد rasolaa7

هيا الدنيا سهله
الصعب حجيي الناس..

-دخلت يم ريا وهم راحو وطول ايام
لفاتحة بقيت هنا ام مهاب ما قبلت تروح
لعيالها لان كلبها جان محمل كلش منهم بس
مهاب اخذها كوه لخاطر ابوه اما هي كلش كاطعة التواصل وياهم ومتريد تتواصل نهائي..

-اسر يجي علينا يتطمن ويجيب مسواك واحتياجات ويروح ومهاب يخابرني بس ما
يكدر يجي لان خطية ملتهين بالفاتحة مالت
عمه وابنه الي راحوا بلحظة غدر لاسباب
مجهولة حالهم حال هواي من العراقيين
الي نهدر دمهم.. 

-كم يوم واجه سامر علينا وجايب ويا سمر
الي متخربطة هناك بالفاتحة خطية هي حامل وحملها متعبها ما تتحمل هيج اجواء مال قهر..

-ضلت يمنا فترة وريا اداريها خطيه بس
جانت مصدومة من مرت عمها وتحجي عليها بحركة كلب.. انو ولا مهتمه تاكل وتسولف
ولا عبالك مفجوعة..

-ريا ردت عليها.. يمكن من صدمتها خطية
اكو ما يعرفون يطلعون حزنهم تصير بيهم
صدمة وعبالك نشوفهم عاديين..

-بس سمر جانت قافله كالت لا لو تشوفنها
جان صدكتني ولا عبالك مفجوعة باثنين
و واحد اغلى من الثاني..

-مرت هاي الايام بصعوبة عليهم خطية
تبهذلوا وناز بين هنا وهناك لان تدرس ودراستها هناك يم ابوها ذبت نفسها على الدراسة رغم حزنها على عمها الي اذاها حيل لان متعلمة
عليهم..

-بهاي الفترة مشاكلي اني ومهاب زادت
بسبب التليفون و صديقاته على مواقع التواصل ومن احجي واتعارك هو يسكتني..  مجرد صديقات لاتتخبلين انتي الاصل ومريتي..

-ازعل منا بس ما اطلع مشاكلنا ابد ابعد
نفسي عنا بغرفتي وهو يحترك لخاطر زعلي ويرضي ويتوسل بس مستحيل ارضى بسهولة اخذ ايام ما احجي ويا وهو يصير اعصاب يركع ويكسر مرات تكبر المشكلة بينا وهو يعرف
نفسه عصبي يخلي ويطلع وبيوم صارت كلش
بينا والسبب الموبايل هو عصب وكسر
وطلع..

-ما اهتميت اله ابد  لان دوم يقهرني بسوالفه
ويرجع بنفس العذر صديقات و ما عندي غيرج  لليل هو اجه اني جنت اريد اسبح محضره ملابسي بس سمعت صوت الباب من شباك لمطبخ شفته هو الي اجه ابتسمت ورجعت للحمام
قبل لا يشوفني..

-شوي وندك باب الحمام اني غلست سويت نفسي مسمعته هو صاح..  نورهان حبيبتي مو احجي
وياج؟!..

-ها مهاب شكو..

-عندج شيء بالغرفة تاخذي حجاها واني
رديت عليه..ليش شكو؟!..

-شكد تسالين طكت الكهرباء مالت السبلت وراح اجيب جيرانة يشوفه..

-ضحكت بس بدون صوت لان عرفت يريد يسويلي مفاجاة يرضيني من شفت الغراض بيده من دخل بس مبينت وصحت عليه
يطلع المكياج ومشط والعطر من الغرفة
من اختفى صوته طلعت..