اسيرة قدرك

البارت الاخير

اسيرة قدرك..
بقلمي رسل..
البارت الاخير القسم الثاني والاخير..
واتباد rasolaa7

اذا شفتيني متغير
تعاي بحضني نسيني التعب كله
انه بنادم من الدنيا احس مخنوك
بس لمن حضنيتني
حسيت الهوه مخلوق من كذله..

-ضحكت باستهزاء.. شوفي حكمه وتكليلي
تغير  بزعني واني مو خوف منه خوف من
الله مااطلع وتندمت بذيج زعلتي طلعت ترى
غلط وندمت عليه مو هيج اني ما اخاف
من الله ترى كل هذا اعرف بي بس سرى الي
خنكني هو حكمه وكلامه هذا كل الي سويته
وهو بعده هيج يقهرني..

-سرى ما حجت بعد كامت وهي ما راضيه
ومقهورة عليه اني من هذا اليوم ما طلعت ابد
اصلا ما الي نفس اطلع حتى روحي كرهتها
من الملامة وارجعي شنو فايدة ارجع وهو
بعده نفس تصرفاته..

-وره يومين جنه مجتمعين المغربية وخالتي
جانت يمنا وما نسمع غير صياح مرت اخوي
الي اجتنا تركض.. خالة الحكي بنتج
تمارة مريضة وبيها الخبيث..

-كمنا عليها بخوف امي ضلت ترجف ودموعها
تصب حالتها حالة مهما يكون تمارة ضناها
ومستحيل ام ما تحن على ضناها وخصوصا
هي تسمع هيج كلام..

-من شافت امي شلون رجفت هي ركضت
جابت بطل مي وغسلت وجها.. شربي عمه لا
تتخربطين ان شاء الله تطيب منه..

-دخلنا جوه وامي حالتها حاله وبس تبجي
خالة اتصلت على خالي تستفسر منه وشنو تمارة
مريضة من شوكت واحنا ماندري خالو
جاوبها وجان مستغرب.. شنو هالحجي انتي
منين جايبته البنية كل شيء ما بيها..

-ماما بقت بحيرة وقلق وما هدالها بال كالت
الخالو روح عليها واسالها فدوه خويه لا تطلع
بنيتي مريضه واني ما ادري عنها..

-شوي واتصل علينا خالي كال هاي جنتكم
عوبه سامعه بالغلط تمارة تكول صديقتي
المريضة بس هاي فهمتني غلط..

-خالتي رزلت مرت اخوي ولعبت بيها
فلك وولج شلون تهبطين المرة بالمغربية ما
خفتي عليها ام العلوم وهاي تتعذر وتتمسكن
ومو قصدي من خوفي على تمارة اجيت كلت الكم..

-مر كم يوم وماما بدت حالتها الصحية تتراجع
وتتعب هواي بعدها صارت الليل ما تنامه وخوفها علينا صار موطبيعي بحيث تبقى حاضنتنا وتخاف اذا واحد
منا ابتعد عنها صارت ترجف رجف عنا
بحيث الكل مصدوم من عدها..

-صرنا نخاف عليها اخذناها للزيارة ونفس
الشيء حالتها للاسوء حتى طبيب ما فاد بيها
بحيث وصلت بيها تسوي شغلات تدمع عيونا الها لان مستحيل هاي امي الي ذكر الله مينزل من السانها صارت تكفر وتتصرف تصرفات
غريبة كلش..

-نبجي بجي عليها معقولة هاي امي الي جانت معروفة بحبها لأهل البيت ع جانت تروح بزمن النظام وكت زيارة الإمام الحسين ع تتختل بالبساتين ويا الزوار في سبيل حب الحسين صارت هسه تختنك من يأخذوها تزور وخلال أسبوعين صارت جلد وعظم الوجه شاحب لا اكل لا نوم مكابليها ونبجي حتى فارس عمر يبجون عليها وما نعرف علتها
شنو نتناوب عليها بالسهر منكدر نغفل عنها تأذي نفسها محد وكع على علتها وتتكسر كلوبنا
من نشوف الغالية الي تعبت علينا هيج حالها..