اسيرة قدرك

بارت 61

اسيرة قدرك..
بقلمي رسل..
البارت الواحد والستون..
واتباد rasolaa7

بعيدان نحن
أنت في يمين العمر
وأنا في يساره
قريبان من بعضنا
تبكي أنت
فيبتل قلبي..

-تحجيلي واني ابجي عليه اعرفه شكد جان
متمني هالسفرة كالت تالي لزم
الاوراق ومشككهن وشامرهن كبالها بالصالة وضل يرعد عليهم.. سفر وماكو راح وباقي بالعراق بنص الموت على ساعة انكتل ويجيبوني ملفوف بعلم وهنا عود ارتاحي وكولي اسر
ضل يمي..

-بعدها كالت.. ريا راح يرجعلكم وصاير
اعصاب تحملي ترى كلش نفسيته تدمرت
لو شايفه حالة جان بجيتي عليه..

-سديته منها واني مقهورة عليه رغم ما
هاويه سالفة السفر بس خطية سنين عمره
فناها لاهله وتالي من راد يرتاح و يحقق
احلامه ما خلوا يتهنه..

-شوي والباب تفلش رحت فتحته جان هو
ومبين اعصاب دخل للبيت وهو روحه ما طايقها
اني ما حجيت شيء ويا اخاف لا ينفجر بيه
ويطلع حركة كلبه عليه..

-كملت شغلي ورجعت للغرفة باوعت  على الجنط الي محضرتهن لان جان
حسب الموعد عشر ايام ونسافر تنهدت بقهر
وبديت افرغ بيهن على شنو بعد اذا سفر
وماكو..

-هو دخل وشافني افرغ بيهن صاح بغضب..

-ارتاحيتي هسه من لطمتي الى ان راح كل شيء
ما شفت منكم غير بس الفكر حجه رزل غلط
جنت ساكته اخاف احجي وتكبر وتصير
مشكلة لان هو اعصاب ومتعارك ويه عمتي
لهذا عفته يحجي وحدة لا تهورت ولا حجيت..

-شوي واجه مهاب عليه و ويا نورهان
جنت مخلية ايدي على كلبي اخاف لا يعصب
وتصير بوجهم زحمة منهم..

-كعد مهاب يحجي ويه خاله عفتهم ورحت
اسوي اكل لان هو طلب مني كملت وكعدنا
كلنا وهو يتكاتل وروحه بخشمة من الاعصاب..

-كومي جيبي لبن.. حجاها وكمت سويتله
واجيت قدمته اله قبل لا ياخذها بدون قصد
مني نكلب عليه وهو هنا نكلب وحش..

-كام على حيله رفع ايده وجان يضربني راجدي
بقوة بحيث نورهان ومهاب من صدمتهم بس
صافنين عليه..

-اني هنا بعد ما تحملت انهضمت كلش منه
ضليت اعيط بكلب محروك.. اني شكو وكلما تنقهر منهم تجي و طلع القهر بيه بس كول
اني الي منعتك من السفر
لو اني الي وكفت بوجهك وكتلك تطلع منا
جنازتي تطلع نفس اليوم للنجف
لو اني الي ما اريد ترتاح بس انت باطل
كل مرة تنغث منهم وتالي تطلع حركت كلبك
بيه تفرغ غضبك عليه انهاريت كلش اصيح
و روحي مفرفحة هو يصيح اسكتي ولج
لا ارجع ابتلي بيج..

-ما سكتت لان جنت منهارة هو اجه عليه  راد يضربني مهاب لزمه وبعده عني  ونورهان خلت ايدها على حلكي و سكتتني واني ما اكدر
احس كل الي كاتمته طلع ضليت اصيح و اشكي
هو صاح بصوت كلش عالي..