اسيرة قدرك

البارت 53

اسيرة_قدرك..
بقلمي رسل..
البارت الثالث و الخمسون..
واتباد rasolaa7

حَمد راح
بليل ما داوَو
هَله جروحه
الجثيرة..

-سلمت عليه و رجعت للغرفة لان جان
ابن خاله ويا و اسر يضوج اطلع دك جهازي
جانت نورهان رفعته و اجاني صوتها تبجي..

-ريا بابا طرد فارس..

-شنو طردة و ليش يمعودة كافي بجي بس
خليني افهم.. ما كدرت افهم منها شيء
انطتني سرى وهاي الثانية اكدتلي انو فعلا
بابا طارد فارس من البيت..

-ليش شصاير وينه فارس هسه؟!..

-بابا شافه يشرب حبوب وهاي الحبوب كلما يشربهم يضل يهلوس وينام هواي بابا شك
بموضوعه صار كم يوم لان من فتره وهو يشربهن ومن نساله فارس شنو هاي الحبوب
بيك شيء انت.. هو شنو يكول مهدئات لا
تخافون ماكو شيء..

-بس بابا اليوم ضربه و رزله كاله.. ما اشوفك هنا انت ساقط و طايح حضك روح شوف ولد عمك شلون حوك شلون الناس تباوعلهم وانت
البارحة شتغل و اليوم يشربلي سم..

-وبهذا كلامه خلا فارس يصير نار من الاعصاب وماما ضلت تبجي مخلته يطلع بس اخذ جنطته وطلع من البيت وما ندري وين راح ريا
نهجم البيت علينا هو عصبي وما فهمنه شيء
منه و بابا ما تفاهم ويا كبل و خله ولد عمو
بالنص و قارنه بيهم  وذاك تخبل وعصب وطلع..

-تنهدت بالم ماكو راحة اصلا المصايب
تركض وراي.. بابا شمدري وينكم عنه
هسه يلا عرفتوا..

-من نساله يكول مهدئات بس اليوم بابا صاحني اقرا الحبوب خفت عليه و كتله مااعرف نكرت ريا انتي تعرفين علاقة بابا وفارس
شلونها..

-بس هو صاح بيه.. لعد المن صايرتلي صيدلانية ودفعني وطلع..

-بجت.. ريا فارس راح يضيع هاي الحبوب
مخدرات وراح تضيعه..

-هي تحجي واني دموعي تصب ويه كل كلمة
شنو مخدرات شجابهن اله هسه يلا عرفت
شيقصد من كال ريا ضعت اني صخام بوجهي
راح مستقبل و شباب اخوي كله من بابا
هو السبب ابد ما احتواه ولا مرة كعد ويا
وكله شلونك شمحتاج بالعكس من اتذكر
حياة فارس قبل اترحم على ايامي اني اهون
منه مسحت دموعي ودكيت عليه بس
جان رقمه مغلق اوف هي هاي العايزة هسه
اني شلون ارتاح اذا ما اعرف هو وين..

-دخل اسر بسرعة درت وجهي عنه هو اتقرب
مني.. شبيج؟!..

-لا ماكو شيء بس عيني ما اعرف شبيها تدمع
مسح عليها عقد حاجبه.. باجيه مو منو وياج؟!..

-لا عليمن باجيه بس كتلك تدمع يمكن دخل بيها
شيء من نكتت الفراش..

-لزم وجهي.. ريا احجي شكو الكبالج مو غبي
وتمشي عليه سوالفج و انتي حتى ما تعرفين
تجذبين هاي مبينه باجيه؟!..