اسيرة قدرك

البارت 36

اسيرة_قدرك..
بقلمي رسل..
البارت السادس والثلاثون..
واتباد rasolaa7

اعاتب روحي مدري شلون ردتك
انا عاكولي اترف من وردتك
جنت ماي واعرفك انت مو طين
ما اعرف شجاني وبله زدتك..

-قبل لا يحرك السيارة خابره اخو الجبير وجانوا يحجون على فصل ماجد ويه اهل البنية
وكاله هل اسبوع فزيت من سمعت صوته
وهو يصيح بصوت..

-هجمان بيوت هذا مو فصل من طاح حظ
اخوك على هاي البلوة الي جابها لروحه
منين اجيب هيج مبلغ اني..

-انتظرته يكمل اتصاله وبعدها سألته هو كال
هذا ماجد الكلب هو ارتاح و ذب مصايبه علينه
ومنا اخوي الي كوه يلا واصل وياهم الحل
بفصل على بتهم الي نكتلت و هالفصل هواي و نذبت براسنا والله يا ريا ما اعرف المن اصير..

-انقهرت عليه كلش جان المبلغ جبير لان البنية
الي قاتلينها بايكين منها خمس شدات و الي عرفته
من اسر اخوها كلش شراني ويريد يستفاد براسها
من خلال الفصل..

-عيني عليه احسه صار بركان من العصبية رجع اتصل على حماي.. شوي وجايك دبر
انت نص و اني العندي هم راح ادفعهن
ونشوف تاليها..

-وصلنا بيت اهلي.. انزلي اني رايح اشوف
هاي المصيبة..

-نزلت بدون ما احجي ويا لان جان معصب
كلش خفت منه دخلت للبيت وهو راح
قبل لا انطي الفلوس لبابا اتصلت عليه..

-اسر الفلوس راح اعوفهن ما انطيهن لابوي خاف انتم محتاجينهن هسه اكثر.. هو ما قبل
كال سدي سدي عبالي عندج سالفة ما تستحين
شنو ترجعيهن..

-اخذتهن و انطيتهن لبابا.. هو اخذهن..

-هالاسر ذهب بنيتي ديري بالج عليه تشكريلي
منه يابه..

-رجعت يم امي قرضت اظافرها و غيرتلها
جو شوي ارتاحيت من شفتها احسن من ذيج
الايام هي خطيه ما تتحمل الكعدة..

-لليل يلا رجع اسر سألته شصار على سالفة
فصل ماجد هو تنهد..

-دبرت كم فلس من جماعتي و الي عندي
وهم راح ابيع السيارة بس خلي نخلص من
هاي السالفة قبل لا اخسر واحد..

-شوي وكال يلا اني رايح تجين وياي لو
تبقين هنا..

-كمت مستحيل اعوفه وحده وهو تعبان وحاير
بالفصل ورغم هذا هو واكف ويانا ترخصت
من امي كتلها باجر الصبح اجيكم لان اسر الصبح يلتحق مأجلينها لان الطريق خطر عليهم..