اسيرة قدرك

البارت 46

اسيرة_قدرك..
بقلمي رسل..
البارت السادس والاربعون..
واتباد rasolaa7

وانتَ ماغيّرك
عرَف يلچِم حَنيني
ولا عرَفني احَد كبل مِنك شريّد
انتَ شباچي الصدك
ياخذنِي لله
شُوغتي وحِزني الأحبهِن
انتَ كُلهن
انتَ ياشنهِي وإحّبك..

-الحمد لله احسن من البارحة باوعت على
ايدها ماكو المحبس بقيت صافنه و استغربت معقولة سمر تجذب عليه زين شنو مصلحتها..

-بقيت حايرة مستحيل اكدر افهمهم دخت
من جهه عمتي ما بيدها محبس وما بيدها غير
الملاوي وذني من زمن عمي الله يرحمه معقولة
ضمت المجبس؟!.. و من جهه اخاف سمر
تجذب عليه ما اريد اظلمها لعمتي تنهدت
ما ينحزرون ابد..

-وره كم ساعة طلع صديقة وهو دخل كعد يم
عمتي و يتشاقى وياها واني عيني عليه واحمس
بروحي يمكن البعض يشوف الموضوع عادي
بس اني كلش قهرني لان عايشة وياهم على نيتي..

-هو انتبه عليه عقد حاجبه و اجه يمي.. شبيها
تفاحتي شيوجعها شو الوجه مكلوب..

-ما بيه شيء ترى زودتها شدعوه هالكد تدقق..

-شبيج الخاطر الله قبل شوي شحلاتج تخبلتي؟!..

-كمت ورحت بالغرفة ما اريد اتعارك يمهن
و يتشمتن بيه.. هو اجه ورايه بسرعة سحبني
عليه.. منو مضوجج عفتج كم ساعة اجي
الكاج تحمسين بروحج الف مره اعيدها عليج حرك الأعصاب مو زين عليج كلبج تعبان
لا تعلين كلبي..

-اريد اسألك وجاوب بلي يرضي ضميرك..

-احجي بلا..

-ليش كل هل تفرقة بيني وبين اهلك دوم مفضلهم؟!..

-ليش شنو صاير وبشنو مفرق انتي منطيج حقج اكثر منهم وزيادة ماكو داعي لهذا الحجي..

-شنو منطيني من حقوقي حجيتها بعصبية؟!..

-هو صافن مستغرب عصبيتي لان فجأة سويت مشكلة صح هو ما مقصر بس تحز بكلبي مفضل أهله عليه بكل شيء وهم كلش حز بخاطري
الكلام الي سمعته عن عمتي..

-فرك وجهه مشه شوي بالغرفة رجع عليه
ريا من الاخير شواصلج حجي عليه منو
الي حجه وياج؟!..

-بدون تردد حجيت.. امك مشتريلها محبس ذهب تحاول ترضيها بكل طريقة واني مخليني عرض الحايط اسر ليش هيج سويت الي يحبني والي
يكرهني بعد ما اهتم بس كلي ليش هيج سويت
ما مجبوره تحبني علمود محبس تدري شنو
الي قاهرني انو ضنيت بيها كل خير من حجت
وياي بطيبة حسيت بوقتها ملكت الدنيا لان
توقعتها عرفت غلطها ليش هيج سويت اسر
البشر من ذاته يصحه ضميره..