اسيرة قدرك

البارت الاخير1

اسيرة قدرك..
بقلمي رسل..
البارت الاخير القسم الاول..
واتباد rasolaa7

قم يا صريع الوهم واسأل بالنهى
ما قيمة الإنسان ما يعليه
واسمع تحدّثك الحياة
فإنّها أستاذة التأديب و التّفقيه
وانصب فمدرسة الحياة بليغة
تملي الدروس و جلّ ما تمليه
سلها وإن صمتت فصمت جلالها
أجلى من التصريح و التنويه
تَصْفُو الحَياةُ لجَاهِلٍ أوْ غافِلٍ
عَمّا مَضَى فيها وَمَا يُتَوَقّعُ
وَلمَنْ يُغالِطُ في الحَقائِقِ نفسَهُ
وَيَسومُها طَلَبَ المُحالِ فتطمَعُ
إِن الحياةَ كجنةٍ قد أقفلَتْ مفتاحَها
من يجتهدْ يبلغْ ومن يصبرْ يصلْ
وينلْه بعد بلوغِه الترحابُ..

-جنت كاعدة وكالعادة فاصلة عن الدنيا
اجه فارس كعد يمي.. فكيها كافي زعل
ذبلتي خويه وانتي مريضه ولعيونج اليوم راح نسحلج تمارة..

-باوعت عليه بقهر.. بعديش بعدما طعنت بشرفي
وتروح لعيالي تحجي عني بعديش فارس
بعدما تهموني بشرفي ويعيروني والله شنو
اختج الي حجت اكيد انتي ام الزلم والله خويه
ما انسه جرح كلبي وشلون حمواتي يعيرني
بسببها رغم اسر سكتهم بس والله تحز بخاطري..

-هو حجه بهمه.. خلي تولي هي وكل واحد ما
يعرفج انتي شنو وداعتج عمر كاضي بيها
التوبة وهسه هو بالطريق جايبها ويا ومخليها
تخرط الاول والتالي..

-تنهدت.. ما تهمني بعد سلمتها بيد الله وحاشا
يضيع حوبتي سكتت شوي وهو هم بس صافن
عليه بقهر اعرفه فارس حنين ودومه كلبه
عليه احسه مقهور وياي بس شبيدنا اذا طعنتنا
من اقرب الناس..

-اسر شلونه بعده مريض؟!..

-اسكتي المسكين راسه مأذي كلش ما جاي يفك
ومع هذا ما كاعد حاير بالرقم الا يطلع صاحبه
لو عنوانه بس طلع الرقم كلك بدون لا عنوان
ولا مستمسكات كل شيء ما كدرنا نعرف عنه
وبعد منتظرين عمر هو كال اني اخلي تمارة
غصبا عليها تحجي هال**** منو ومنين..

-ضحكت بقهر.. والله تمارة صايرة اخطر
من المجرمين الي تحققون وياهم كل هذا حقد
ياريت مأذيتها بشيء..

-معليج بيها تولي المهم انتي ديري
بالج على نفسج وارتاحي حجاها وكام..
انتظر عمر ونشوف تمارة الساقطة والله لاربيها
من جديد..

-بهاي الاثناء سمعنا صياح ركضنا شهكت
من منظر تمارة هذا عمر اجرم بيها مدمايه وشعرها متكطع مسوي بيها البدع جابها سحل وهي تبجي والظاهر هالمرة جان كلش قاسي
حكم عمر بحقها..

-جانت بس نظراتي تعاتبها للحظات جمدت
واني اشوفها شلون مدماية شنو احجي وياها
واي كلام يبرد كلبي عقاب عمر كافي عليها
جنت اعاتبها بنظراتي الي تشكي حالي
وانو ليش هجمت بيتي شنو الذنب الي اقترفته
بحقها حتى تسوي كل هذا..