اسيرة قدرك

البارت 40

اسيرة_قدرك..
بقلمي رسل..
البارت الاربعون..
واتباد rasolaa7

يااهو شيٌع نعش خلكه و واهس الدنيا انطفه
ياهو بيكم كضه ليله وما غفه
ياهو مثلي
مخلص ايامي اعله مدري..
و تشرب أميال الوكت ساعات عمري..

-زيودي بلكت توصلنه اني وامك حجيتها
هو كال اي صار اسر خزرني و صار
نار من الاعصاب اجه عليه بغضب
جنت مخليه حمره خفيفه فرك حلكي
بيده و مسحها..

-دفعت ايده بغضب.. معليك بيه روح عيش
حياتك ولا تدخل بعد بيه مو اني ما ماليه عينك
مو اني تقارني ببنات الليل فك عني..

-ما انطيته مجال يحجي طلعت وهو هم ما يكدر
يحجي لان يعرف بروحه غلطان والغلط راكبه
من راسه لساسه لهذا يعصب بعد ما يكدر يسويلي
شيء..

-اخذنا زيد اني وامه اشتريت ملابس و طلبت
من ام مهاب اروح للصالون هي خطية ما ردتني
رحت حفيت وغيرت لون شعري من كملنا
حجيت كتلها اريد اروح للصايغ ابيع ذهبي..

-هي باوعتلي بتفاجأ.. ليش ولج اسر يدري
بيج تردين تبيعين ذهبج لا تتخبلين ريا..

-لا ما يدري بس خطية هو محتاج و تدرين
بي حتى للسيارة باعها و هم كل الي عنده ذبه
على الكاع مال امج..

-اذا هيج خلي نرجعه الخالي حتى ما يكسر
بسعره حرامات غالي..

-شيودينه هنا احسن هم كلهم نفس الشيء.. هي
ما قبلت كالت هسه اخلي زيد ياخذنا..

-فعلا زيد طلع بينا لخالهم وهو خطية رحب
بينا وحتى الذهب اخذه بنفس السعر الي باعه
بي ما قبل بغير هالشيء ولا خسرنا لان يعرف
بوضع اسر..

-اخذت الفلوس ضميتهن بالجنطة و ورجعنا
بس وصلت البيت سبحت ولبست دشداشة
اشتريتها حلوة خليت مكياج خفيف وسرحت شعري اباوع لنفسي بالمرايا الحمد لله حلوة
والله هم الي هيج ذبلوا روحي ليش حتى هيج يدور نسوان عليه و يحرك
بكلبي تنهدت بقهر لو شما اسوي والتهي بس
بعدني مقهورة منه كلش من اتذكر صوت
ضحكتها و شلون تكله ابو حمودي روحي
تفرفح مسحت دمعة نزلت اسى على حالي..

-هو دخل للغرفة ما حجه شيء اشوفه يتنهد
و مقهور اتقرب عليه راد يحجي تالي
طلع..

-لليل بدل و طلع عرفته راح يشرب هو هذا
وكت طلعته عيني ما كدرت تاخذ نوم رغم
كل اذيته بس يضل بالي عليه لنص الليل وهو ماكو واني كاعدة انتظره سمعت الباب انفتح ركضت بسرعة نمت..

-حسيت بخطواته قريبه مني بعدها اخذ ايدي يبوس بيها واني مسويه نفسي نايمه رجع باس شعري ويشم بي شميت بي ريحة شرب بس مو قويه الظاهر ما مثكل دفن وجهه بشعري ويهمس
جان كل ضنه اني نايمه..