اسيرة قدرك

البارت الثالث عشر

اسيرة_قدرك..
بقلمي رسل..
البارت الثالث عشر..
واتباد @rasolaa7

هاي الناس شخطت كل رسم جاهل
سجنتني بقفص زرعت بروحي الخوف..

-من الألم الي اجتاحني ما كدرت اوكف
بعد كعدت للكاع اتلوى من الوجع
اسمعهم يلومون بي نسابته و حتى اهله
ما قبلوا بالي سواه اسمع اصواتهم هذا
الي يلومه وهذا الي يكله ليش هيج
مو حرام عليك مو مرة اخوك هاي
و واحد من ولد خالة ضل يغلط عليه واني
اتلوى..

-اجتني حماتي كومتني مستنده عليها
واعرج من رجلي دخلتني لغرفتي..

-هيج احسن الج صوجج شكو تردين
عليه من حجه اتركه الا تراددين..

-كمت عليها صوجي نوب طلع صوجي
يا باطلة دفعتها و صحت اطلعي بره
يلا اطلعي دمرتوني وتكلي صوجج ليش اني
شنو سويتله مو شفتي بعينج حرام عليج
اطلعي طلعتها وقفلت الباب..

-نار نار بداخلي كلما ينعاد الموقف احترك
حرك اباوع لرجلي الضربة ورمت مكانها
على العظم و اللون ازرك صار والحقيرة
تكلي صوجج..

-تمر على الانسان لحظات ضعف
يضعف بيها و يخلي الشيطان و أفكاره
يتمكن منه
يلجأ لأضعف طريق للهروب
يهرب من الهم
والضعف
والقهر
عن طريق الانتحار
الانتحار الوسيلة المحرمة الي يجملها النا
الشيطان و نوكع باكبر هاوية بحجة الخلاص
من ظلم الدنيا متناسين عذاب الاخرة
و انو هالشيء محرم..

-كعدت بتعب اني على شنو عايشة اصلا وجودي بهاي الدنيا شنو ما مكتوبلي افرح و اذا فرحت
لازم يطلع شيء ينغص عليه فرحتي
وجودي هامش بحياتهم واحد يشمرني
على الثاني ما عندي سند ثابت
رفعت راسي للسماء ربي سامحني اني
تعبت هواي تعبت ما اكدر بعد اعيش اكثر..

-اخذت جهازي و فتحت الرسائل طلعت
رقم اسر و بديت اكتب..

-احبك واحبك هواي صح بالبداية جنت
ما اطيقك بس بعدين حبيتك و تعلقت
بيك تحملت اهلك
و كلامهم
وذلهم
كله علمودك وانت شنو الي سويته
كل مرة ترجعني على نفس الذل رغم
تعرف اهلك شنو و بقيتني يمهم
ما تثق بيه كل اموري مخليها بيد سماح
وهاي ذالتني ذل شنو احتاج لازم اروح
امد ايدي الها وهالشيء اصعب من الموت
وهسه اكلك كرهتك كره اتمنى تجيك
رصاصة و تخلصني منك من شفتك ما شفت
راحة عساك لا رديت..

-هواي عتب و دعاوي عليه دزيتها
و قفلت الجهاز جنت اتصرف بدون وعي
عقلي مبنج ردت اخلص ما اريد بعد اعيش
اني بهذا عمري اكتفيت والله اكتفيت
ما عندي طاقة بعد اتحمل ساعة وحدة
من هاي الدنيا وكل شيء صار احمله
بركبة اهلي اي ربي هم السبب
هم اساس كل شيء حل بيه لا يوفقكم
يا ابوي وعمر عساكم لا تهنيتوا شمرتوني
بالذل شكد صلفه عيونكم الي تكدر تغفى
الليل وبتكم عايشة بقلق و خوف و ذل..