اسيرة قدرك

البارت 70

اسيرة قدرك..
بقلمي رسل..
البارت السبعون..
واتباد rasolaa7

يسالوني واكلهم بالبخت عفته
ويجي الليل ويجن كلهن
ضحكتك
صورتك
انت..

ريا..

-اليوم حنة سماح كمت احضر نفسي وبناتي
اسر جان بدوام عنده شغله كال اخلص واجي اخذكم  مكيجت وسويت شعري كيرلي عجبني
هيج اسوي هالمرة ولبست فستان تنهدت براحة
الحمد لله من تحسنت حالتي وين جنت ووين صرت..

-شوي ورجع اسر اول مدخل صفر.. ملكة  وداعت بناتي اتقرب عليه.. تعالي بحضني
وخلي نعوف العرس صدك انتي مو كلتي
ما اريد اروح حجاها بمكر و يغمزلي..

-ضحكت ودفعته.. لا حبيبي شلون ما اروح هو باس شفتي دفعته لا يخرب المكياج.. بعدين حبيبي اجلها عود من نرجع لا نتاخر..

-لبست عباية لان ما قبل صاية وبناتي لابسات نفس البدلات جان يمشي كدامي وشايل ريا
اسر..

-التفت عليه ها ناسية شيء؟!..

-ما ناسية شيء بس ما اريد اروح بطلت اخاف اسمع حجاية لو يضلون يسألون على الحجر
الي لابسته واني مالي خلك..

-حبيبتي محد يسمعج حجاية لان يعرفون
ساعتها اتخبل عليهم والي يسال على ذني
تكولين  اسر جابهن بهذا الحساب.. وخل اشوف واحد يدخل ماجايبهن من جد ذراع احد
وسمعي منا وطلعي منا لا تضلين هيج ترى
عادي هواي يلبسون ويفضلون الحجر هذا
ما بيها شيء يلا كلبي امشي ولا تفكرين هيج..

-قنعني وهداني بكلامه بس بقيت شوي ما مرتاحة  لا اسمع حجي وخصوصا اني اعرفهم شنو
وصلنا وجان يشوف رجل نور واكف بالباب مالت بيت اخته لان حنة سماح صارت هنا
بيتها جبير ويكفي كل كرايبهم..
عيني على اسر الي كام ينافخ.. هذا شعنده العار جاي..

-عوفه حبيبي بلا مشاكل يجوز جايب نور
يعني شعنده جاي..

-هو نزلني وصار سد لحد مدخلت ونظراته
بغضب على رجل نور ابد ما يطيقه اسر
اول مدخلت اتلكتني سمر سحبتني وياها
اباوع لسماح ومكياجها الوردي وسمائي
همست لسمر.. منو هيج سوه بيها شو مكياجها
مو شيء..

-هي ضحكت.. اني  رحت وياها لصالون
واخذت ثاري منها هي مو تكلي زركة خلي
تشوف روحها كلت  لام الصالون تحب مكياج الطوخ سويلها دمج الوان وهاي ما قصرت..

-ضحكت.. تخوفين انتي ولج.. عفتها
ورحت سلمت على كرايبهم وكعدت
شكد رادني اركص مرضيت بقيت كاعدة
بمكاني لا الي خلك ولا سماح تستاهل اصلا
جيتي لخاطر اسر..

-نورهان تكرهن وما اجت هي متعرف
تمثل ولا تجامل المكان الي ما ترتاح بي
ما تروح اله لهذا بقت بالبيت مر ساعتين
ضجت دكيت على اسر من جاوب  كتله..