اسيرة قدرك

البارت 54

اسيرة_قدرك..
بقلمي رسل..
البارت الرابع والخمسون..
واتباد rasolaa7

‏اردتك قصيدة
لا يفهمها أحد
ونصاً طويلاً
لا يصبر على قراءته إنسان آخر
أردت أن نكون
الوحيدين الفصيحين
في هذا الكون الأعجمي..

-هي باوعتلي.. اي والله كون الله يفضحها
الي تحب متزوج و تخرب حياة غيرها.. بس حجتها سمر شهكت وهاي تضرب على ضهرها
واني عيني عليها بصدمة..

-صدمتي ما اعرف عليها وهي بهذا كلامها
نفت كل كلام سمر عنها لو عن سمر الي
تبدلت احوالها دخت بيهن منو الي تحجي صح
ومنو الي مظلومة هنا..

-سمر صاحت بيها.. هو هيج شبيج كسرتي
ظهري وهذيج الفطيرة بس تضحك..

-اي غير اخاف عليج لا تروحين بيها والنوب
شنكتب سبب الوفاة غصة ورجعت تضحك..

-دك جهازي جان اسر كمت من يمهن ودخلت
للغرفة.. بس فتحت خط كتله لكيت فارس
لو خبر عنه فدوه.. جان فكري كله مشغول بي..

-هلا يابه على كيفج سألت جماعة بالاستخبارات على الجنود الي يداومون هناك وشنو سمعتهم
بس يا ريا طلعت سمعتهم بالطين..

-شلون يعني؟!..

-يعني يا حبيبتي نفسهم الضباط الكبار والمسؤولين اربعة وعشرين ساعة منسمين بهذا
السم وشرايطهم بجيوبهم ما اكلج كلهم بس هواي منهم..

-يعني شنو احجي اسر فدوه يعني فارس راح يضيع كل شبابه بجيت وهو يسكت بيه واني ازيد من اتخيلت فارس يضيع لو يصير مجرم حاله
حال الي يفجرون بهالعبوات و السيارات
بهذا البلد والي ضيعهم درب المخدرات وغيرها
من الخطابات الطائفية..

-هو صاح.. نعلعله عشيرتي اذا بعد اكلج
شيء مو صوجج صوجي اني و حجيت وياج
ريا عوفي البجي و الصخام خابرتج ردتج تحاجين ابوج لو امج يحجون ويا عمر يخلي عينه عليه و يضل ورا لحد ما اني وجماعتي نعرف منو همه الي يبيعون ممنوعات داخل المقرات و نقدم بيهم بلاغ ما اكدر ادخل لان هيج راح ينجر وياهم..

-بغلاتي عندك تساعده وتعرف وينه لان هو ما قبل ينطيني عنوانه شكد توسلت بي لا يضيع اخوي اسر..

-طمني كلبي وصيت ولد من جماعتي انطيت اسمه اذا يداوم يشوفه الي وين يروح وبيمن يلتقي
والله كريم..

-لا تضلين تحمسين بروحج وديري بالج
على البنات وهسه كومي اتوضي واقري قران ترتاحين انتي مو هيج تكولين يلا يابه..

-سديته منه رحت اتوضى.. الحمد لله الي غيره وصار هو الي يطلب مني انو اقرا قران حتى
ارتاح..

-رجعت دكيت على فارس ماكو راح يموتني
هسه شكو قافل جهازك..

-دكيت على نورهان من ردت سألتها على فارس
هي كالت.. ريا ماكو من طلع ولهسه
ما ادري بي وامي بس تبجي عليه وبابا عرف
بالحبوب و اتخبل عليها و ضربها يكولها..