اسيرة قدرك

البارت 35

اسيرة_قدرك..
بقلمي رسل..
البارت الخامس والثلاثون..
واتباد rasolaa7

وآنه اول من دخل باب المحطه
مدري شلون فاتاني القطار..

-لليل اسر كال ما تبقين اليوم امشي ويانا
طلعت ويا ما قبل اروح لبيتنا كال ما ترتاحين
هناك رحنا ويه مهاب البيتهم..

-وصلنا لبيتهم وفعلا ارتاحيت هنا ماكو اختي
الي تنك فوك راسي والله اني كلش انقهر منها
بس هي من حقدها على امي تكرهني اني
و فارس لان اقرب شيء احنا لامي..

-كعدت من النوم رحت يم اسر لمني بحضنه..

-صح النوم يا حلو.. خليت راسي على صدره..

-لعد وين مهاب اشو ماكو؟!..

-وديته يجيب عشه.. رفعت راسي اسر شكد
دفعت فلوس لعلاج امي ؟!..

-انجبي حبيبتي شنو هذا سؤالج..

-لا اسر بداعتي عليك الله شكد؟!.. اويلي يابه شكد تلحين 250 الف سحب خشمي لازم تردين تدفعيلي حجاها بضحكة..

-الله يخليك الي عوض من ربي الي انت والله
اسر ما تدري شكد رفعت راسي احسن من
اخوتي الي مغلسين حتى على علاج امهم..

-باس راسي.. فدوه الها بس خلي تكوم بالسلامة..

-احبك هواي والله حجيتها و بجيت شعور صعب
اتخيل امي من تسمع اسر هو الي يصرف عليها
و ولدها و رجلها مغلسين شكد صعبه ياربي
تعبت عليهم و وجاهدت وهواي وكفت بوجه
ابوي علمودنا وتالي هيج يجازونها ابوي مغلس
و اخوي حاير بفلوس عرسه..

-هو مسح دموعي و حضني قوي.. زادت شهكاتي بحضنه اسر بس لا امي ما تعيش اموت
اذا تركتنا امي مو زينه كلما اتخيل شكلها من
اتشاهدت تزيد شهكاتي هو حضني قوي و يمسد
على راسي..

-لا تحجين هيج ان شاء الله تكوم بالسلامة
و نذر عليه بس تكوم على حيلها اذبح ذبيحه
لوجه الله ادعيلها ابويه انتي..

-اجه مهاب جاب العشة كوه اكلت شوي لخاطر
اسر كمت منهم اتصلت اطمن على بناتي
رغم الكره من سماح تجاهي بس الصراحة
تحب بناتي هواي يعني من ناحية وحدة اامن
بيها بس من اعوفهن يمها وهن هم متعلمات
عليها خصوصا مهرة جان قبل كلما يضربني
اسر لو من يشدون وياي هي تاخذهن لهذا
تعلمن عليها..

-الصبح رجعنا للمستشفى بامل انو
-اليوم تطلع امي فرحتنا ما تنوصف
قبل لا نطلع امي للبيت
اسر كال خلي ناخذها لطبيب اختصاص لان
جان عدها خلع بالكتف حضرنا امي و طلعناها
هي صعدت ويه اختي الجبيرة و زوجها
و اسر وصفلهم مكان طبيب يعرفه و احنا
رحنا وراهم اول شيء اخذوها لطبيب صدريه
و الحمد لله اكو تحسن بالرئة و بعدها
اخذناها على طبيب مفاصل فحصها الطبيب
بعدها طلب منهم يثبتوها حتى يرجع كتفها
هو التفت عليه.. ريا ديري وجهج وكافي بجي
لا تعبين امج بالزايد حبيبتي انتي..