اسيرة قدرك

البارت السابع

اسيرة_قدرك..
بقلمي رسل..
البارت السابع..
واتباد @rasolaa7

بينــه هـواي
شيـب وضـيم
و بــيــنه اهــواي ماگــلنـاه..

-ابقي هنا وحتى هذا النغل الي بطنج
خلي اهلج يتحملونه دفعني و راح..

-دخلت لبيت اهلي هذا البيت الي هو سبب كل
معاناتي افكر و دموعي تصب
لو عمر ما حاجي
لو بابا ما انطاني لهيج ناس
لو باقيه طالبة و حالي حال الي بعمري
كل همها تنجح و اقصى خوف هو خوف
من الرسوب
يمكن جان هسه اني ناجحه الثالث و عابره
للأعدادية
اقل من سنه نكلبت حياتي كلاب احس كبرت
هواي نسيت نفسي ونسيت اصلا الواحد
شلون يعيش احس روحي دخلت بسجن
و هالسجن بعيد كل البعد عن العيش الكريم..

-امي من شافتني نصدمت لطمت على خدها
لج يمه شبيج منو وياج يمه ريا شجاج..

-عمر كال شمسويه من مصيبة وكل يوم
جايه..

-ركضت لحضن امي و ابجي اهلي اتعس
من عيالي محد سالني شبيج غير امي و اخوي
الصغير..

-اخذتني امي لحضنها.. عوفي يمه معليج
بي هذا عمر مغسول دماغه لو بي خير
جان ما قبل و لا سكت وهو يشوف حال اخته..

-كمت منهم مالي خلك احجي وشحجي اصلا
مخنوكه اباوع على وجهي بالمرايا الوجه
صاير خريطة
ليش هيج ضيعت حالي
هاي مو اني
شبابي كله ضاع وياهم اباوع يالمرايا
وانفجرت بالبجي على حالي..

-''لا تغفر لمن جعل الانكسار يصل الى
عينيك و هو يرى''..

-لليل و روحي فرفحت على مهرة هسه
تبجي هسه جاعت بيد منو نامت تلعب
خليت المخده و شبعت بجي
بهذا اليوم ما حصلت غير القهر و البجي
لا اكلت لا شربت غفيت كعدت الصبح
على صوت ركع المواعين اجتني اختي
يلا كومي غسلي المواعين..

-تركتها و كمت روحي طالعة وهاي ماخذتلي
دور عمتي..

-ضليت يم اهلي خمس ايام شفت الويل
بيها من اختي و اخوي الي مصبرني امي
و اخوي الصغير كلبي مفرفح على بنتي
وما بيدي شيء وذول بدون رحمه شادين
وياي منا هي ومن جهه عمر..

-عمر عيونه تذب شرار احسها كل شوي وذب
حجي عليه اخر شيء حجاها بصريح العبارة..

-لج امشي خابري رجلج و ارجعي
ما عندي مرة تزعل انتي غلطانه اكيد
و هيج رجعج علينا يلا بسرعة خابري..

-والله لا عمر مو غلطانه انت ما تعرف
شصاير بيه لو شلون عايشه عمر والله
انتهيت يمهم شتحجي جاي اموت اني
وانتم ما حاسين بيه تعبت والله تعبت
طاقة بعد ما عندي اتحمل و تكلي ارجعي..

-شبعت بجي نذل مو اخ الحقير من اجه ابوي
كعد ويا ويقنع بي ارجع كاله هي غلطانه
وخلي ترجع شتكول الناس ما عدنا مرة
تزعل وتطلك وهي ما صارلها سنه
من تزوجت..