اسيرة قدرك

البارت 87

اسيرة قدرك..
بقلمي رسل..
البارت السابع والثمانون..
واتباد rasolaa7

ويَاريت غَلطان بَذنب
وياك چا سَهلة أعتذر
حتَى المَزاعل ينفض
تالي أعرفت قَصتي شَني
دورت مابيَه ذنب
بَس ضل شَني ( قلة حَظ )..

-حجه هواي بس ما بيه حيل اسمعه كلبي
يوجعني ومنهاره مخذوله منه نفس كل مرة
يسمع عني ويصدك حسيت هاي اخر لحظات تجمعنا كانما ساعة وداع ويريد يشبع مني وكانو احساسه يكوله هاي اخر مرة تشوف ريا بيها
عيوني تغفي بتعب وما بطلت بجي
وهو يحجي ويشهك ما اسمع صوت يمكن
عمتي وام دنو راحن مدري فقدت هو رجع
كال هاي اختج **** اجتي لاهلج تكلهم
اريد ابرئ ذمتي امام الله اسر ميستاهل واحد يستغفله وكالت..

-قاطعته بصوت تعبان.. شنو الي حجته بحيث
انت كالعادة تصدك غيري وترجع عليه بدون تفاهم ولا عبالك تعرفني والمنو حجت من اهلي..

-هو كال.. كالت الهم رايحة افضحها يم عيالها
تطلع من دون علم اسر وانتم ساكتين الها
بس اهلج ما يعرفون بالي ناويه عليه..

-ومن بعدها رايحة لاهلي تكلهم
اريد ابرمي ذمتي امام الله وامامكم صح هي
ريا اختي بس اسر ما يستاهل هيج وحدة
ما تصونه بغيابه والخاطر وكفاته ويا اهلي اني اليوم جاية وعندي وياكم حجي..

-ريا كل ما تجي علينا خطار تذب بناتها على
امي وسرى وتطلع وحدها ومن اهلي يسالوها
تكلهم رايحة ويا سمر مره بحجه اغير جو
مره سمر تريد تشتري ملابس لو علمود ابنها
وهيج جانت تتحجج بسمر حتى تطلع من البيت..

-اني صار عندي فضول وليش ما تطلع وياها
بس من تجينا راقبتها رحت وراها وشفتها
صعدت ويا واحد بالفرع الثاني وصعدت بالصدر
وتتمضحك ويا..

-جان يحجي عنها ونزلت دمعته همس.. شرفي
وعرضي انتي وهاي اختج الي طعنت بيج
ومو هيج لا مشوفتهم صور الج لو يمهم اني
بوكتها جان خلصت عليهم..

-القهر نهش روحي احساسي حاليا مثل
حمامة ومكسور جناحها تريد تطير من سجانها
بس ما تكدر الوم منو واعتب على منو
اذا هي اختي هيج طالع منها معقولة الحقد
هيج يسوي بحيث الاخ يتبله على اخوه
ويكيد هيج مكيدة اخ منج تمارة تروحين العيالي
الي يتمنون الزلة عليه وتكعدين تحجين هيج
طبعا راح يصدكون..

-رجع حجه بانفعال.. لو ساعتها موجود جان اجرمت بيها وما اخليها  تمسج بحجايه ضغطي ارتفع بسببها الليل ما نمته ولا غمضت عيني بس افكر ردت بس يصبح الصبح مكدرت ارجع بنفس اليوم كملت شغلة عمر يلا لج وحك كفيل زينب لو شاك بيج واحد بالميه ما ابقيج عايشة وتتنفسين بس ما سمعتي شماتت اهلي ساعة الاجت
لو سامعتهم جان ما حجيتي هيج كل غضبي
منهم ومن اختج ومنج وحتى من نفسي تعبت
ريا تعبتوني كلكم..