اسيرة قدرك

البارت 21

اسيرة_قدرك..
بقلمي رسل..
البارت الواحد والعشرون..

يا حزن ياريت ترسملي علامة
حتی اراويك الخساير
من يجن وحده وية الأخرى
افطور طابوكه اعله جامه
ضيعوني المشتريهم
بین اذمهم بين احبهم مثل جلمة بالسلامة..

-شهر كامل نحاول نوصل لاسر وماكو
جهازه من نتصل عليه يطلع مغلق اهله تخبلوا
عليه عمتي من قهرها ضربتها جلطه
من كد ما تنوح على ابنها ساعة تكول
جيبوليا ساعة تردد يمكن كتلوه مدري خطفوه
ولك يمه وين انت وين..

-سهى جانت تحجيلي عنها و تبجي تكول
امي نكسرت هواي بغيابه هسه لو بس نسمع
خبر عنه عايش ميت جان ارتاح كلبها لج
ريا اهلي هسه يلا عرفوا قيمته جان مخليهم
على كفوف الراحة وما حصل منهم غير
بس التعب و المشاكل هسه يلا حسوا بي..

-مر على غيابه لاسر شهرين بهاي الشهرين
البيت مابي كل روح الحزن مخيم علينا
كل ليله اختنك و اكعد ابجي اتذكره باخر يوم
ودعنا شلون جان تعبان و مكسور من وره اخته
مرات تجيني افكار الوم بنفسي لان اني الي
كتله اطلع وما اريد اشوف وجهك ودعيت
عليه هواي وتالي كلنا نحرمنا منه..

-ام مهاب و مهاب جهزوا البيت من كل شيء
كالت هاي وصيته هو وصاني عليكم وعلى
البيت كال لا تخلونا ناقص من كل شيء..

-هي تحجي واني دموعي تصب تنهدت
ومسحت دموعها.. ها ولج الفاهية حنيتي
شكد توسل بيج وانتي ميبسه راسج ريا
اخوي صدك عصبي وما يتفاهم بس جان يحبج
هواي..

-والله اشتاقيتله بس لا تلوميني انتي شفتي
بعينج هو شسوه بيه لا تنكرين وصلت الموت
بسببه اتهموني بشرفي ترى جانت حالتي
صعبة شلون ترديني ارجعله و لا كانو هو
مسوي شيء لا تزيدينها عليه الله يخليج..

-تدرين ريا امي تلوم بروحها عليه اخوي
متعوب جاب عمره كله تعب وياهم من عمره
15 سنه اشتغل ويه ابوي النهار كله يشتغل
من مات ابوي هو تكفل بينا يشتغل ويدرس
من تعين راتبه كله علينا وكلما يترقى و يزيد
راتبه يدلل بيهم وكل هذا ما غزر بعيونهن
حقودات خلي احجيلج سالفة يمكن حتى هو
ما حجاها الج..

-اسر قبل لا يخطبج بكم سنه جان يحب صديقة
نور مات عليها وتوسل بامي تخطبها اله
ما قبلت و اصرت ما ياخذها وصدك حرمنه
منها جانت امي ما تقبل يجيب غريبة لبيتنا
البنية راحت وهو ذب نفسه على الشغل
وبيوم اجانه كال اريد اتزوج امي ما قبلت
بس هاي المرة عاندها و عاند اخوي والكل
وخطبج سواها تحدي و دخل الغريبة عليهم
ما تشوفين ليش يضوجن منج هاي عقلياتهن
و تفكيرهن بالبداية جان يأذيج بس بعدها
حبج ريا هواي حبج اسر ادعيله وعوفي
الي راح وراج والله محد يفيدج وانتي صاحبة
بنات..

-نصدمت معقولة هيج حقدهن و حقارتهن
هو يموت عليهن وما مقصر وياهن وهن
حتى من الي اختارها حارماته رديت عليها
بقهر.. بس خلي يرجع والله ما احجي ولا
اضوجه مهره تدورله كل يوم وما اعرف
شجاوبها..