اسيرة قدرك

البارت 86

اسيرة قدرك..
بقلمي رسل..
البارت السادس والثمانون..
واتباد rasolaa7

حمد سولف لاهلنه شلون متعوبين
حمد كلهم جرعنا الضيم بانواعه
حمد كلهم وكتنا هواي وازانه..

-عمر ضاع وضيع روحه يمه ابنج ضاع
ذول عصابة والبنات حتى مو الهم يشتغلون
بيهم ويكسرون بركبه عمر وامثاله ذني
بنات**** ويتاجرون بيهن..

-التفت عليه ريا خابري على اسر اريد
وكفته ويانا هو ومهاب قبل لا يروح اخوي
من ادينا..

-اسر اجه ودك صدره الهم ما يعوف عمر
وضل يطمن بماما واتصل على ارفد ابن خالته
لان يشتغل بالمكافحة طلب منه يتكفل موضوع
عمر ويشوف الوضع..

-كم يوم وهم يدورون بالسجون على عمر لحد ما لكو وجان صعب كلش انو يشوفه احد غير ضباط التحقيق مشددين عليهم وكل ضنهن انو هو من ضمن العصابة ارفد مكلف جماعة يكدرون يدبروها يشوفه وتسهلت لان هو ضابط تحقيق كدر يشوفه ونقل انه اخباره..

-كلش معذبي من الضرب يكول ما يكدر يتحرك
وجهه متأذي ايده ميته لا تتحرك ولا يكدر يرفعها مكسوره ورجله تعرج من سالنا عن السبب
جان جوابه مخجل تفشلنا من عمر..

-وهو انو بيوم الي لازمين العصابة عمر
جان بيت البنية وبايت يمها ومن سامع اصوات
طافر على السطح وواكع من السياج لانو جان
عالي بس ما كدر يهرب لانو لزموا ويا
العصابة الي كلها حاليا قيد التحقيق..

-ارفد متوسط كوه يلا ما خذينه للطبابة
مجبريهن ايده ورجله ومنطينه مسكنات
فارس تخبل عليه وضل يتشكر من ارفد لان
وكفته وكفت اخو الهم رغم صعوبة التهمة
الي واكعة براس عمر..

-خطية ماما تخبلت سكنت الائمة تبات هناك تدعي بلكت تطلع برائته ويظهر الحق كلبها
احترك على عمر لان هالشيء جان جبير و
عمر تورط وياهم ما جان يعرف بيهم عصابة تأزم وضعها صحتها تراجعت من طبيب الطبيب وكلبها نار على عمر..

-وره فترة اخذها فارس للسجن بعدما اصرت
عليه وكالتله اموت اذا متاخذني اشوفه كلبي
نار وما تحسون بيه هو اخذها بس ما قبلوا
يدخلون احد بقوا برا لان ممنوع فارس اجانه شابع قهر عليها يكلي كسرت كلبي كعدت
بسد الحايط وتشهك لما تخربطت تمنيت عمر كبالي الا اكسره على هاي عملته..

-الوضع جان كلش صعب كلها تركض بهاي القضية ارفد كالهم الا نجمع ادله كافيه
تثبت بانو هو ما منتمي الهم لو يروح بيها بالسجن طول عمره..

-هنا مهاب بنفسه اشتغل على القضية هو ومحامين اصدقائه كلهم جنائين ليل ونهار
الكل مشغول والوضع معقد كلش لان عمر
نلزم وياهم من نفس المكان وصعب وجود
دليل يبري من هالمشكله..