اسيرة قدرك

البارت 72

اسيرة قدرك..
بقلمي رسل..
البارت الثاني والسبعون..
واتباد rasolaa7

تعبتنـي
مثل طبع الريح
طبعك
وانه ورقة
شمآ لگيتك
ضيعتني..

-ريا اسمعيني لا ترجعن للبيت هسه حجتها
وسدته بدون ما نفهم شيء..

-بقيت بقلق منا اسر وعيالي الي اجوي
ومنا كلام سرى الي قلقنا ما رجعنا للبيت رحنا البيت  اختي الجبيرة بنفس منطقتنا مو بعيد علينا
وصلنا واني حسبة تجيبني وحسبة توديني
ليش جايين وشصاير شوي وجان يخبصني
اسر بالمكالمات من شافني ما اجاوب
دز رسايل واغلبها يرعد ويهدد بيه..

-اخر شيء دز الي.. ريا وين طالعة
وعلي اكسر رجليج اذا تطلعين اشو ما مقتنع بحجي اهلج..

-بسرعة قفلت الجهاز وذبيته خفت منه لان اعرفه من يصير عصبي يفقد كلش..

-كم ساعة واحنا على نفس القلق بعد متحملت  اتصلت على سرى اريد افهم شكو من جاوبت
كتلها..فدوه شكو شصاير احجي وليش
اجوي..

-هي كالت.. اسكتي ريا لو تشوفين اسرج شسوه كام يصيح علينا هسه تطلعونها كدامي وشنو
ما تريد تطلع هسه تجيبونها هنا كبالي..

-طلعنا اله ريا يشوفها وتالي كوه يلا اقتنع
ولو حسيته مو كلش مقتنع بس مراد يسوي هوسه بس ما صدك انتي بالبيت..

-سديته منها وبقيت خايفة منه صح اني ما
كتله بس ما ادري ليش هيج حالي وتصرفاتي تصير من اتعارك ويا لا اكله ولا احب
اخذ رايه..

-تقريبا ساعة واجت ماما علينا.. ما فهمت
منها شيء وليش اجوي بسرعة اخذتنا
ورجعنا للبيت اول ما رجعت بوجهي على سرى لان اريد افهم سبب جيتهم بقيت احقق وياها
هي كالت..

-غير اجوي حماج الجبير ومرته وحماتج وزوجها واجت نور وام اسر وشيخ من عشيرتهم..

-كل ذول بلا عليمن جايين؟!.. هي ضحكت.. عليج ست ريا غير هذا اسرج
مسوي بيهم فلك كايللهم مرتي بسببكم طول هل سنوات كضتها لو زعل لو مرض وباقي يحجي عليهم وما قابل على الي سوونه خواته
ونور جيتها من وره زوجها الي دزها تعتذر
منجن انتي ونورهان و مهددها يذبها على
اهلها اذا ما تروح لهذا هي اجتي وياهم..

-جنت اسمع الها وداخلي فرحان بالي سواه
اسر رغم اعرف خواته ما يتوبن بعدها
كملت.. لج ريا بنص الكعدة واسمع صوته
شلون يصيح ويكول لبابا عمي مرتي احبها اموت عليها اصيلة ماعافتني يوم بمحنة واكفة ويايه
واني ما راضي على الي صار وحكها اخذته
بس مرتي رايدها ترجع..

-واخوه والشيخ الي جايبهم هم خوش حجوا
ويا بابا واعتذروا من عنده ولو تشوفين
الحيايه شلون ضلن حايرات وما يعرفن
شنو يحجن لان محد راضي بعمايلهن..