اسيرة قدرك

65 قسم الاول

اسيرة قدرك..
بقلمي رسل..
البارت الخامس والستون القسم الاول..
واتباد rasolaa7

واحنـه شَمــا زِرعنه الزين
على الموزين نِتحاسب..

-بالليل جنا كاعدين ونسولف دك موبايل
مهاب هو رفع خط شوي وجان يوكف على
حيله بهبطة..

-شلون شتحجي انت شلون
شلون انكتلوا و وين لكيتوهم..

-عيني عليه بخوف وهو متوتر وايده الثانية
يرجع بيها بشعره ليوره رجع حجه بقهر.. يابه
انت صدك تحجي شلون يعني مذبوحين..

-من سمعت كلمة مذبوحين احس دم ما بقى
بجسمي.. مهاب فدوه شكو منو ذبحوا هو
ما جاوبني وركض على الكنتور وهو يصيح
على زيد..

-اجوي زيد وناز الي جانت موجودة يمنا
بوكتها على صوت مهاب زيد ركض عليه..

-شكو مهاب شبيك؟!..

-هو حجه بقهر.. عمي ولك عمنا انذبح
هو ورامي ابنه..

-الخبر نزل مثل الصاعقة علينا زيد فتح عيونه بوسعها.. انذبح شنو انت شمدريك شجاي تحجي مهاب.. هو كالهم هسه ابوي خابرني وكال لاكينهم مذبوحين ومشمورين بساحة مال زبل( نفايات)..

-ناز طلعت من صدمتها بصرخة ودكت على
وجهه لما تخربطت خطية هي كلش متعلقة بعمها لان اغلب وقتها هي يمهم والمصيبة مو بس هو لا ويا ابنه شاب وحتى عمهم مو كلش جبير..

-ركضنا عليها اني وزيد ذبينه مي عليها
وهو رجع غسل وجهه والقهر محتل معانيهم
من مهاب لزيد كلش انفجعوا..

-انقهرت عليهم كلش رغم ما اعرفهم معرفة
شخصية بس الولد وناز انفجعوا بالخبر عائلة
انطفت و انفجعت بالاب والابن بيوم واحد..

-مهاب وزيد بدلوا واني ساعدت ناز لان
خطية انتهت طلعنا وهم يروحون ويا مهاب واني أخذني يم ريا لان ما قبل ابقى وحدي وهم
كال اخذ خالي واروح..

-طول الطريق مهاب يحجي بالموبايل و ناز تبجي انتهت وتصيح بإسم عمها شكد جان يحبها وتعتبره اقرب واحد الها اهدي بيها وهي
كل شوي وكالت.. يحبني هواي نورهان
شلون اروح وبعد ما اشوفه
شلون بعد ادخل عليهم وعمي لو رامي
ما يتلكوني ليش ذبحوا شلون
كلبهم انطاهم هيج يذبحون البشر بدم بارد
تحجي بحركان دم و دموعها تصب..

-وصلنا و لكينه اسر هستوه يريد يحرك سيارته شافنه نزل بقى يحجي ويا مهاب ورجع صعد يم ناز يهدي بيها وباس راسها بمواساة لحزنها
التفت عليه.. انتبهن على
نفسجن والباب ممنوع ينفتح حجاها واني
هزيت راسي باي.. نزلت يم ريا وهم راحوا..

ريا..

-وجان يدخلون عمتي و ام ودنو و اختهم
المتزوجة الي تعاركت ويا ام جود..

-اسر دخل وراهم وهن شايلات غراضهن
وجنطهن هنا حسيت الدنيا ظلمت بعيني دخيلك ربي شجابهم عليه يعني ما ارتاح كم يوم..

-بعد ما دخلوا و سلموا عمتي انطتني علاكة
بيها مسواك.. يمه وديها بالمطبخ.. اخذتها فتحتها واشوف بيها دجاجة ذبح وسمج ودم بيهن
لان دجاجة ذبح خليتهن واني روحي طالعة..

-اعصابي تلفت ذبيتهم على السنك جنت
اشتغل باعصاب دخل اسر.. شبيج؟!..

-مجاوبته مالي خلكه واني روحي طالعة
عفته وطلعت من المطبخ كعدت يمهن مجبورة بعد فرضهم عليه اسر اجه هو  ورايه اني بسرعة كمت بس قبلها حجيت ويا عمتي.. عمه ترى مااعرف انظف دجاج هي كالت لا عمه اني جايه انظفه عوفي..

-عفتهم ورحت لغرفتي واني مثل البركان
بداخلي وعلى ساعة ينفجر خليت راسي وابجي وكاتمة انفاسي بالمخدة ياربي شوكت ارتاح تعبت كلش وكلما اخلصهم من شكلي يرجعولي..

-شوي ودخل من شفته زادت شهكاتي
السبب منه هو الي كل مرة يتعبني بيهم ويعرف
كلش زين هم ما يطيقوني كعد بصفي و اخذني
لحضنه..

-حقج يا نفس اسر ومالومج ابد
والله ادري بيهم اذوج هواي  بس شسوي يلا
صيري بمكاني اذا هذا الساقط طردهم ولكيته متوليهن تكفخ لج طارد امه وخواته علمود
مرته هسه تعاركت تطردهم شكو والله تعبت
منهم اني بس كوليلي شلون اعوفهم..

-تدرين من ايام مشاكل ماجد وابو جود راد يبيع  الشقة  لان هي بفلوسة وباسمة كعد اهلي بيها من شال بيت وحده وهسه بعد هاي المشكلة لخاطر مرته طردهم مايهون عليه اعوفهن وبس
العار الي يتخلى عن امه وخواته وهذا النذل
طاردهم ومسوي عليهن منيه والله شنو الشقة
مالتي لك نذل ما غزر بيك الحليب التعب
بس السكط يبقى سكط..

-اصبري عليه حبيبتي ولا تزيدينها عليه
بين ما اشوفلهم  بيت ويستقرون بي..

-باسني و يصبر عليه بس من كد ما جنت
منهارة بهل لحضه اشوفه مو اسر اشوفه انسان ظالم و ضلمني من زادها عليه  بمكان سماح
جاب اخته الثانية الي بقت يمنا لان رجلها ذبها
على امها من تعاركت.. دفعته..

- وخر مني الله يخليك كافي الضاع من عمري
وياكم تعبت اني تعبت شوكت تحس بيه
ليش بس اني الي احس بيك جنت احجي
وارجف..

-اني مو نحسه والله ولا اريد هالبيت بس الي
بس اسر انت بعينك شفت وكل كلش زين تعرف
بوجودهن حياتي تدمر و كل المصايب توكع
على راسي تعبت من الحجي مسحت دموعي
وريكي يبس كمت وكفت كباله..

-اسر طلكني خلي ارتاح منكم ما اتحمل
بعد..

-هو فتح عيونه بصدمة.. شبيج يابه شتحجين انتي؟!....

يتبع....

حبايبي اعتذر كلش لان قصير
بس والله ضروف الي ما نعتني عنكم
وان شاء الله اعوضكم ببارت اطول وهذا
كتبته لعيونكم بس حتى ما تبقون على القفلة
ما احب اخليكم تنتظرون اكثر..

اللهم صل على محمد وال محمد❤️