#كواكب_امي
الحزء الثاني-البارت الرابع
ليلى: بقو صافنين عليه ومصدومين بكلامي ..ميعرفون شنو يحجون وقبل لا يردون عليه
جميلة حجت
جميلة: اني هم حصتي اخذوها ..
ليلى: كلنا انصدمنا بقرار جميلة مو لشي
بس كلنا نعرف سليم شلون ابو فليس ويتخبل اذا سمع بيها هيج مسويه وهي اول مره تاخذ قرار من وحدها بدون ما ترجعله بي لان تخاف منه فجانت حجايتها صدمة النا ..
ليلى: جميلة ماكو قرار ينوخذ بالاستعجال ولا بحالة مثل الحالة الي انتي بيها هسه
اني من حجيت فقراري صار فتره افكر بي واقتنعت اقتناع تام بي يلا حجيت ،انتي هسه بحاله شبه العصبية ادري بيج ضايجة من سليم وتردين تحركين دمة عالفلوس بس لتنسين بناتج ماعدهن اب بي حظ،هالفلوس تفيدج تضميهن او تسوين بيهن شي يفيد بناتج
جميلة : شنو الفايدة بس اخذهن هسه ياخذهن مني سليم وانساهن بعد واغسل ايدي منه هو فلوس اخوانه ببيت ابوه اكلهن تردي ما ياكل فلوسي! ،عالاقل عند اخواني تبقى حصتي محفوظه لما الله الله يفرجها عليهم واذا احتاجيت شي هم مراح يردوني و لو شمرني سليم بالشارع هم الي يلموني
ليلى: كل هالحجي واخواني مدنكين راسهم بالكاع ولا فتحو حلكهم ولا اعترضو او نطقو بكلمة ،،رديت عليها
هذا هو جميلة انتي مو صغيرة ومسؤولة عن قرارج بس لازم ما تجيبين طاري لسليم عن البيعة ترى يومف فوك راسج ويكوم يسوي مشاكل
جميلة: هو وينه دخل يشوفنه جهرته بالاول عود يحلها الله
ليلى : انداريت على اخواني وحجيت
يبقى شوفو باقي البنات( تقصد خواتها ال3البقية) شوف شلون تنطوهن حصتهن او هم ما يردنها هسه كيفهن وسعد هم لا تنسون
جعفر: شبيج ليلى نسيتي ! سعد مو اتنازل عن حصته ببيت ابويه مقابل الكاع الي اخذها قبل جم سنة
ليلى: اووف والله دخت ونسيت اذا احنا من شغلة لشغلة شوكت مخي يصفى مادري ..المهم هسه اتفقنا مو!
جعفر : اي يابه هذا هو محلولة ان شاء الله ..
ليلى : يلا لعد واحد منكم يرجعنا اني وجميلة قبل لا تغورب الدنيا حجيت وباوعت لباسم ومازن
جعفر: وين شعدكم هي هاي جية ؟! باتو وانا من الصبح اخذكم للبيت
ليلى: لا والله تسلم هاي خطيه بناتها صغار بقن يم بناتي وتعرف بناتي عدهن دوام ومدارس ماكدر اعوفهم ومنا ابراهيم وشغله
جعفر: براحتكم يابه
ليلى: يلا منو يرجعنا فضوني
محمد: خاله انا اردكم
ليلى: ديلا حبيبي امشي خل نطلع حتى تلحك ترجع من وكت ماريد ااخرك
اخذنا محمد ورجعنا وصلنا ويا وكت العشى ،دخل محمد بالصالة يم ابراهيم واني رحت بسرعه انزع عباتي حتى اسوي العشى
لكيت ثريا بالمطبخ جاي تگلي
وخري وخري اني اكمل
أنت تقرأ
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
