مساء الورد على احلى ورود 🖤
#كواكب_امي
للكاتبة روشان
البارت السادس والعشرون
المحيرني
أريد اعرف الدنيا أشلون تاليها
ليش الناس ؟؟
بس السالفه المابيها ذره خير حفظو كل
معانيها،،،
.
.
.
ليلى : يمه عيالج قافلين
وميقبلون احد يكول مسحور
يكولون رائد مريض واليوم ناخذه للدكتور ،
واني حجيت لحد ما تعبت وبزعت روحي منهم ،
وخليهم بعد بكيفهم وخطيته بركبتهم
بس انتي ما اعوفج هنا بعد ما امن عليج
كومي حضري غراضج خل نروح ...
شمس: ما اروح منا
ليلى:ترى مو سالفة سباعية مامااااا
وين تبقيييين؟!! اتخبلتتتي!!
شمس: ما اعوف رائد لو اعرف اموت هنااا،،
جريت حسرة وكعدت بمكاني
واباوع لامي بتوسل
يمه شفتي حالته ؟!
رائد محتاجتي يمه ...اذا صدك مريض منو يداريه ؟!
امه الي بالكوة تمشي ...لو مرت اخو
لو يجن خواته الحنينات يدارنه ؟!
شلون ترديني اعوفه واروح بهيج وضع ..
ليلى : يا ماما رجلج وضعه يخوف واخاف بأي لحظة يأذيج شسوي اني بذاك الوكت ؟!!
شلون تردين تبقين گبال عينه وهو متخبل منج ،
وترى اهله كلهم يمه ومحد راح يعوفه وحده ،
شمس: لو انتي بمكاني ولا سامح الله
شفتي ابويه بهيج موقف
راح تاخذين جهالج وتعوفي يم اهله وحيد ؟!
ولا جنه اتزوج وخلف ولا جن بيوم جان عنده مرة وجان شايلها بعيونه ومدللها وجانت روحه من الدنيا !!
اني اذا عفت رائد هسه وهو بأصعب موقف بحياته
فبعد شنو دوري بحياته اني ؟!
شنو هي ..اريدك بزينك وماريدك بشينك؟!
قمر : شمس احنا نخاف عليج والا جان ما حجينا هالحجي كله ..رائد مو بعقله هسه ويمكن بأي لحظة تطخ براسه ويجي يكتلج وهو كالها بلسانه
شمس: هزيت راسي
لا ميسويها ،واهله يمه واخوته ميخلو وحده
واني هم ما اخلي يشوفني
اهم شي اداريه حتى لو من بعيد
احضرله اكله وملابسه وانظفله غرفته ..وما اخلي يشوفني ابد ،،
ليلى : ليش تشلعين گلبي شمس !
انتي بس الشغلات الشفتيها راح تخليج تتخبلين
واحتمال تشوفين وتسمعين اكثر بعد..
شمس:الله موجود واني ايماني برب العالمين قوي،
متهمني هيج شغلات
وحتى لو اعوف الغرفة بالليل وانام هنا جوة بالصالة ..
قمر : اني وامي وحده تباوع للخ بتعب وترجع عيونا عليها ،شمس منتهيه وباقيه على شعراية
يمكن لو حجينا وياها كلمه لخ بعد راح تنكطع حتى هالشعراية وتنهار ...
شكد ما شمس ضعيفة من طفولتها
بس رائد صارلها مصدر قوة
ماعرف منين جتها كل هالجرئة والقوة حتى
تتحمل كل هالمواقف ..بس بعدين عرفت
قوتها كلها جايه من حبها لرائد وتعلقها بي ،
يعني مستعده تواجه كلشي من خوف وخطر من رائد ووضعه وحجي وتهم من اهله
في سبيل تبقى قريبه منه..
أنت تقرأ
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
