كواكب امي

البارت الثاني عشر

ممعدلة البارت 😘اعذروني اذا قصير لان مردتكم تنتظرون بعد اكثر
واكو بارت ثاني بالليل ينزل بعون الله

#كواكب_امي
للكاتبة روشان
الجزء الثاني-البارت الثاني عشر

گطريت بحلك عمرك مي شبابي الچان صافي
وبجزيرة شوچ گلبي لخاطرك مشيته حافي
شابگت فكري وخيالك بالليالي
وفززت تذگار غافي ..
وثلچت عيني أبشتاك
وما أجيت بطيف دافي
.
.

ليلى :المن هذااااا لاميييي لو لشيب الخلفوني ؟! هم كوووول يتهمون عليه هم كوووول يسوون مشاكل بيناتنا
منووووو مصعد بسيارتك ابراهييييم وين وصلك بيك الانحطاااط بعد مخليها يمك وتفرفر بييييها لييييش!!!

ثريا : ابويه وجها كام ينطي اللوان من الارتباك ميعرف شنو يجاوب احسه جاي يدور بداخله على حجة جديدة او اي كلمة تخلي يطلع من المأزق الي هو بي ،رد عليها والتوتر تارس ملامحة

ابراهيم : شنو هالحجي هو كلشي كمتي تشوفي تذبي براسي وبس تردين اطلع اني موخوش ادمي وابو نسوان !!
اكيد هذا لوحدة من البنات هو منو يصعد بسيارتي غيرج انتي وياهن واحتمال صارله فتره طويله واكع بالسيارة واني ما منتبه عليه

ثريا: يحجي ويباوع علينا وكانما يطلب النجدة منا ويريد اي وحده من عدنا تكول اي هذا مالتي
بقينا ساكتات شويه لحد ما اتجهت ريا ناحية امي واخذت المحبس من ايدها بقت تباوعله جان فضة هو
حجت وهي رافعه حاجبها بغضب

ريا: مو مالتنا هذا ولا شايفي قبل ،اصلاً مابينا وحده ذوقها زبالة لهالدرجة حتى تشتري هيج محبس ،،

ثريا: باوعتله امي بأسف وشمرت المحبس بالكاع يم رجله وعافته وطبت للغرفة وهو عيونه بالكاع ميكدر يباوع بوجهنا شويه ودخل وراها للغرفة
.
.
ليلى : جنت كاعدة والنار تسعر بصدري ومتمنيته يجي ورايه لان عيب بحقي احجي وياه اي حجي زايد كدام بناته ،ورى شويه دخل للغرفة
ابراهيم :متستحين على نفسج من السويتي هسه كدام بناتج وابنج !! شنو شايفتني ويا وحدة وكاعد حتى تجفصين بهالحجي الماصخ هذاااا علمود محبس مادري منين اجه!!

ليلى: جان استحيت على نفسك انت من تالي عمرك تكوم تراهق وتدور عليه نسوان،،وقبل لتحجي وتنكر وتبرر تررررى اني مو غشييييمة ابراهييم لا عبالك مثل ذيج المرة اسكت واعوفك براحتك ،
ابراهيم : ولييييش اني شمسوي حتى تحاجيني بهالاسلوب الجايف ،مادري مخخخج شبي راح تخبليني يمكن جاي تخرفين وتسوين افلام من يمج ،عاجبج تعيشين دور الخاينها رجلها وتذبين البلا عليه

ليلى: انوب يحاجيني بنتر وهو الماعاجبه ! حرك گلبي بالزايد رديت بصياح
اني مخرفة !! انييي ؟ متكول على روحك غلطان مو ؟ ترى كااافي مرارتي هم راح تطططك من وراك ومن ورى هالنكران والحجج والجذذذب كل مرة
انوب هسه تجي تطلعني اني المو زينه واني مخرفة واتهم عليك؟!ولك والله وحق ربك الخلقك وخلقني عيييييب عيب اذا مو علمودي وعلمود تعبييي وياك وسنين عمرنا الفاتت كلها
فأستحي من شيباتك من بناتك الي بطولك من احفادك الي راح تصير مضحكة كبالهم ..