مساءالورد حبايبي 🖤شويه همتكم بالتفاعل 🥺
بعدني ما معدلة البارت واحتمال جبير النشر حيصير يومية بس كون تقدرون تعبي واشوف هالشي بالمشاهدات والتصويت وتفاعلكم 😘 🖤
#كواكب_امي
للكاتبة روشان
البارت الثاني
سوالفنه صحيح صغار
بس الوجع تارسهه
اكو حجايات ماتنكال
جوه وينسمع حسها
.
.
.
ليلى:متحملت ورحت ختلت بنفس المكان مال المرة الفاتت
وانتظرتهم بي لحد ما اجو شوي وكمت اباوع من وره التانكي مالت المي
وشفت شي خلاني افتح عيوني على كبرهن مصدومه بأبويه !!!
مصدومه بوضعه ويا هالمرة !! شلون واكف قريب منها ومد ايده لوجها وجر اللثام ويتلمس بوجها ويضحك وهي تتميص وتتمايع يمه وهو مره يلزم ايدها ومره وجها ،
اباوع لوجها واني منا شايطه قهر اتخيل امي لو عرفت او شافت هالشوفة جان شصار بيها!!!
كمت اكل بروحي اكل واحجي بداخلي ،،
ولج ترحين فدوة ونذر لعيون امي يعني فد وحده بلا اخلاق وتربية وهاي عرفناها من وكفاتج وياه وهالنوب طلعتي بلا خلقة وزايعتج الكاع وفوكاها عاميته لابويه الي ما فد يوم عينه انشالت على مرة غير امي ،،
شنو الشااافه بيج وجلب هيج بس ارد افتهم وابرد كلبي ! على شنو يدورج على امي الما ناقصها شي وشاعلتله العشرة شمع!!
بقيت كاعده بمكاني واني كل لشتي ترجف ومنطيتهم ضهري لان ما اتحملت اباوع بعد ومجاي اسمع شي هم لان حجيهم همس ،
دمعتي رادت تنزل بس قويت روحي وبقيت اتنفس بسرعة ومخليه ايدي على حلكي وكاتمه صوتي ،لحد ما راحو وطلعت من هالمكان الي حسيته مزبلة لافعالهم ،
رجعت لشغلي وكلما اشوف ابويه اصد بصفحة لان روحي تشوط واتذكر الموقف الي شفته بي وابد ميعجبني اباوع بوجهه ،
لحد ما رجعت للبيت احس النهار صار شطولة عليه وماكو براسي وعيني غير الي شفته لان من صدك مصدومة ،،ابويه كضى عمره عدل وما سوى غلطة وخاصة هيج سوالف مال نسوان ماعنده ابد ولا هو العينه وصخة
حتى دايماً نقارنه بعمي سعود بشبابهم ونكول ولا جنهم اخوه
اول ما وصلت للبيت جانت امينه بالمطبخ يم الجدوره تراقب وامي ماعرف وين
ذبيت عبايتي والفوطة بتعب وغسلت وجهي حتى اتبرد ،ورجعت شلت العباية من الكاع ومشيت بدون ما احجي شي
صاحت امينة واجتي ورايه بسرعة
امينة: وچ شبيج اليوم خانسه؟!!!
وليش هيج وجهج مگلوب !
ليلى: درت وجهي منها وكملت مشيتي ،ماعرف شحجي وشجاوبها
وهي لزكت يمي تريد تعرف شكو ،وضليت مثل بالعة الموس لا بيه احجي ولا بيه اسكت ،
صعدت بسرعة فوك للغرفة الجانت بيها فراش ،حتى اذا احجيلها محد يسمعنا ،وهي وراية بعد امينه ما تفوت شي ،
YOU ARE READING
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
