كواكب امي

البارت العشرون

مساء الفل والياسمين لاحلى متابعين 🖤

#كواكب_امي
للكاتبة روشان

البارت العشرون

#منيـن #اجيـت

#والله ريتـكِ ما #اجيـت

#خربـت #واهـس ضحكتـي..

وتالـي #مـا تالـي..#مشيـت..
.
.
.
همام : لتخافين مني قمر ،،ما اذيج
بس انتي فكي هالكشرة هاي ولتعبيني وياج ترى عرسان احنا والمفروض هذا احلى يوم بحياتنا ،،

قمر : حجاها واتقرب راد يبوس شفتي
ونفرت منه بسرعه
وحجيت بنترة وماعرف منين اجتني هالقوة من بعد الرجيف الجنت بي
اي اعرررف عرسااان
بس اني ما اريييدك ما اريييدك همام
ولتطخني ولا تمد ايدك عليه

اني كلتها وما حسيت الا براجدي منه
خله اذني تصفر
وفجي طك من الالم ..

باوعتله بصدمة واستغراب ،مصدومة
وممصدكة يمد ايده عليه وبهيج يوم !!
عيوني بقت مركزة بوجهه وهو ابتعد من يمي
وكام يتحرك بالغرفة بتوتر

حسيت بروحي وعيت عالكلمة الطلعت مني
وطريقة طرحي الهجومية الها ،
اني هنته اكيد وماكو رجال يقبلها على روحه
هيج ينصد،،
بس ما من حقه يضربني هيج !!
ولو جانت غير وحده بمكاني جان نزلت دمعتها هم،
لان عالكسرة الصارت بداخلي منه المفروض اشبع بجي

بس مو قمر التبجي ،وعلمود منو !!!
اني ابويه ضربني وما نزلتلي دمعة ،
انوب همام يبجيني !!!

شويه ورجع اتقرب يمي كعد
نظرات الندم تارسة عيونه
ونظرات القوة تارسة عيوني
بقى يلم بشفافه بداخل حلكه
وعيونه مرة عليه ومرة بضجر يديرهن صفح
احسه يريد يحجي وبنفس الوقت ميريد

اني هم درت وجهي ولزمت بدلتي وكمت
من يمه ابتعدت ورحت بكل برود يم الكنتور
طلعت دشداشة عادية

ورحت ورا الكنتور جانت اكو فسحه
ختلت وراها وهو هم جان منطيني ظهره
ما اندار ولا اتحرك بعد
فتحت البدلة بصعوبه وقبل لا توكع البدلة مني
هو دار نص راسه تجاهي لان اكيد
صار عنده فضول وين رحت اني وشجاي اسوي ،

هو اندار واني صحت بعصبية من بين سنوني ،
لتباااااوع هماااام
هو مثل الي انصدم و رجع راسه بسرعة لمكانه
واني نزعت البدلة عالسريع ولبست الدشداشة بمكانها

ورحت يم المرايه فتحت شعري كله والماشات
اطلع منهن وميخلصن شلعن كلبي
وانتبهت عليه بالمرايه هو وكف نزع سترتة والرباط
بدون ميركز عليه

واني كملت شعري وشلته بقراصه ،جان شعري طويل واكثر وحده بخواتي اني احب اطول
شعري واعتني بي ،

كملت وانداريت وهو صار باوجهي ،بقيت واكفه بمكاني وهو صفن عليه من جوه ليفوك بأستغراب ،
واتقدم ناحيتي ،ردت ابتعد بس وكفت بقوة وعيني بعينه مخليتها بقوه
وصل يمي وقبل كل شي اني حجيت