كواكب امي

البارت الثاني والعشرون

مساء الورد حبايبي 🖤

بعدني ممعدلة البارت

#كواكب_امي
للكاتبة روشان

البارت الثاني والعشرون

ﻵ ﺗـﺪك ﺻــﺪﺭﮒ ﻭﺻــﺪﺭﮒ ﻋﻠﻴــﻞ)

ﻭﻵ ﺗﺸـﻴـﻞ ﺁﻟﺴـﻴـﻒ #ﻭﻋﻈـﻤـﮓ ﺗﺮﻑ

ﺁﻟﺸــﻮﺁﺭﺏ ﻉ ﺁﻟﺮﺟــﻮﻟﻬﮧ ﻣــﻮ ﺩﻟﻴــﻞ ✖

ﺁﻟﺮﺟــــﻮﻟﻬﮧ_ﺑﺂﻟـﻤـﻮﺁﻗــــﻒ_ﺗﻨــﻌرف !!
.
.

شمس: شكو يمه خير ان شاء الله

ليلى : ابوجن ...

شمس: صحنا كلنا
شبيييي.....

ليلى : يريد يرجع يكمل دراسته

شمس: لا بللله؟!!!

نجمة: صدك يمه؟!!

قمر: بقت عيونا مفتوحات بأستغراب
الي تنط وتسأل والي ممصدكه والي تضحك عالخبر ،،

ليلى : اي والله شبيكم
صار يومين نتناقش بالسالفة وكال يكمل دراسه ويداوم كليه ،وعنده واحد من معاميله بالمعرض كايله اني اقدملك الفايل مالتك وشوف معدلك بيا جامعة ينقبل ومن سأل واستفسر كاله تنقبل قانون
وهم ميحتاجلك يوميه تداوم

مجرد روح بس على كد الامتحانات وهم هناك راح يتساهلون وياك بسبب عمرك وشغلك وهي الاوضاع كلها مو تمام وماكو ذاك الالتزام ،،

نجمة : اويلييي
يعني اتخيلوا ابويه شايل ملزمته ويفتر يقرة
انوب كلساع كافخ احد بينا يكول اسكتو ولكككم
عندي امتحان واذا يرسب بالامتحان يجي يعلكنا فلقة يمااااا

قمر : ههههه شوفي ابويه راح الكليه قبلج وانتي خليج كل سنة مرتين تعيديها

نجمة : غير الحكه اني وعباتي لو اعرف اجلب بالقمارة مال سيارة

شمس: اي عيني طكيتووو صار عدكم سيارة بعد ،،

ليلى : اي وهو لعد ليش يريد يكمل دراسة
يكول الدين مال بيت وفكيناه،واخذنا سيارة
واني من زمان ببالي هالشغلة مال كلية
وكلت هسه اجه وكتها

قمر : اي شكو بيها اذا هو رايد يكمل
حتى بلكت يشوفله تعيين من يخلص احسنله من البهذلة والتعب مال شغل

ليلى : اي ان شاء الله،
كومن للغرفة ارتاحن شويه شعدجن بالمطبخ حار نار،

قمر : خل تكمل ثريا المواعين ونروح سوى خطيه مو تبقى وحدها واحنا نروح هناك نجرش سوالف

ثريا: فدوه لگلبج شلون اخت حنينة
متنطين فد كيلو حنية لنجمة من يمج

نجمة : اويلي هالنجمة صكارتج شكد قاهرتج

ثريا : ما ارد عليج هسه لخاطر خواتي

شمس: كافي ولجن بس مناكر