كواكب امي

البارت الثالث والعشرون

مساء الخير يا احلى ورود 🖤
واعذروني حبايبي اذا قصير لان كتبته بشلعان الكلب بس حتى لا اخليكم تنتظرون لباجر 🥺

#كواكب_امي
للكاتبة روشان

البارت الثالث والعشرون

حيل_اكابر
هيج_صاير
كمت_ادبر_الضحكه_كوه
وكمت_اشيل_ابروحي_شيل
ناس_مدري_شلون_صارت
بالجرح_كامت_تعيل
.
.
شمس:فاتت ساعة وكلت خل انزل اشوف شكو ماكو جوة
لبست شالي ونزلت
بعدني بنص الدرج وسمعت صوت خالة نجية وبجيها وونينها بصوت عالي

ما سمعت ولا افتهمت منها غير كم كلمه وهي تكول

نجية : يممممه منين اجااااك منيين!!
كوون بيه ولا بيييك ،،
بعدك صغييير يبعد امممك ...

شمس: كملت الدرج بخطوات ثكيله
وكل باية انزلها احس رجلي تخدر اكثر

شجاي اسمع
رائد شبييي؟! ليش هيج تحجي خالتي ..؟!

اتقربت من الصالة شويه شويه ،،واني اسمع حجيهم

رائد: يمه كولي يا الللله
ترى هياتني كبالج عدل كلشي مابيه
وصحتي حديد
شنو تفاولين عليه انتي

نجية: ولك يمة شفاول عليك والسمعته هسه
شنووو؟!!
گلبك مريييض وتكلي كلشي مابيه ،،

رائد: هههه خرب هسه اني شحجي وياج يمة
عادل انت حلها وياها مادامك انت الحجيت ،،

عادل: يا ام احمد
لتخافين سالفته كلش سهله والدكتور كال موضوع بسيط وعالعلاج يطيب
هو شريان واحد مسدود والدكتور كال على هالعلاج
ينفك ،،وابوكم الله يرحمه

بعد عليش كل هالدك واللطم تفاولين عليه بالموزين لو شنو؟!!

نجية: لا لااااا انتو تضمون عليه حتى لا انقهر
اعرف دروبكم كلها ...

ابو احمد : كافي يحرمة الولد جاي يكلج مابي كلشي
ولو صدك بي شي خطر ومو زين چا اكيد جا وكاللنا
حتى نتلاحك عليه ،،

عادل: اي يابه عاش حسك
فهمها لامي ترى تبقى تاكل بگلبنا
وانت رائد هاك علاجك واصعد ارتاح بغرفتك ،
اذا تبقى يم امي ترى هي تمرضك بالكوة،،

نجية : امشي ولللك ابو حلك الجايف ،
ليش امرضه !! غير گلبي كام يوجعني على هالولد
اول تالي منين يجي الگلب واوجاعه

واني هم لهسه ما مرتاحتلكم والعباس ابو فاضل ،
ولا راح ارتاح الا اتطمن اشوف بعيني واسمع بأذني ،

عادل: شوف شلون سالفة جديده
شنو تشوفين وتسمعين !!
ادري بس لا تردين تاخذي بيدج للدكتور مثل الجاهل ؟!!

نجية : اي وليش ما اخذه
اني شمعرفني دكتوركم الرحتو عليه
يفتهم لو لا !! باجر نروح اني وابوك وناخذه ويانا للدكتور الي يروحله ابوك خوش دكتور