كواكب امي

البارت العاشر

مساء الحب
اعذروني على الاخطاء الاملائية ممراجعة البارت🙈
قراءة ممتعة احبتي

#كواكب_امي
الجزء الثاني _البارت العاشر

وآنه كُلما اصفنلِها
‏الگه نفسِي انسان ضايّع
‏لا آنه متحمِل أذيتَه
‏وناسِي جرحَه وسكته راجِع
‏ولا چويت اگليّبي مِنه
‏ومِن گلب ولسان بايع .
.
.
.
ثريا: واحنا جاي نسولف دخلت ريا ولونها جان مخطوف كلش
سديم : شبيج ؟! وين جنتي ريا
ثريا: بلعت ريك واشرت باصبعها ايدها جانت بيها رجفه
ريا: نننزلت اشرب مي ولكيت النشافه مال غسالة واكفه,اخذت الملابس اشرهن بالمخزن فوك

ثريا: اي كملي شبيج تحجين بالدين !!
ريا : سمعته فوك جان بالسطح ،جان يحاجي وحده ويكوللها حبيبتي وبالليل اطلع من المعرض وامرلج نتعشى سوى

ثريا: صحنا اني وسديم سوى
منوووو؟!
ريا: ابوية ...

ثريا : شنوووو !!! صحنا وطفرنا من مكانا اني وسديم ..حجيت واني اتقرب يمها
تحجين صدك ؟!
ريا: اي والله سمعته
سديم: يمكن وحدة من خواتي ؟
ثريا: دسكتي وهو من شوكت رايح على وحده بيهن ومتعشي يمها
سديم: اي كلشي يصير يمعودة قابل ويامن يحجي ابويه

ثريا: احنا نحجي ونبرر وريا ساكته صافنه علينا لحد ما قررت تقطع جدالنا. وكالت
ريا: لتحاولن ابد،مو خواتي ،وحدة صاحبته ..

ثريا: لا اراديا ايدي صارت على حلكي من الصدمة اريد احجي والحجاية متطلع مني او الاصح ماعرف شنو احجي .الا اخذت وكتي وسفطت الكلام يلا نطقت بتردد

شلون عرفتي ؟! ليش هيج متأكدة
ريا: كلت الكم سمعته سمعته بهاااي اذني
الجامة مال مخزن مو مكسورة؟!
ثريا : هزيتلها راسي بمعنى اي
ريا:هو حان مستغفلنا وصاعد بالسطح عباله محد يوصل هواك ميدري الله سلطني عليه ،،وسمعته من المخزن والصوت جان واضح وكلشيي سممممعت يعني بقى يسولف وياها كوومه من هاي سوالف الحب مو بس الكتلكم عليها
ثريا: من تحجي ريا تحجي الكلمة برجفة ومو بس هي احنا واكفات يمها بس عيونه تلزلز من الصدمة ..ابوية ؟! يعني معقولة ابوية يسويها !!
زين امي شنو موقفها لو عرفت ؟! ليش هي امييي بشنو قصرت وياه !!
اباوع سديم رغم صغيرة بس عيونها غوركت وصاكه على اسنانها بقوة
لزمتها من ايدها جريتها بقوه هزيتها
اهدييي اهدي

سديم: ليش يصادق على امي ؟! وفوك القهر هي تحسبله الف حساااب وتركض وراه مثل الطفل تداريه ليييش !!
ريا: منو يكول مصادق عليها يجوز متزوج عليهااا ومو بس امي حتى احنا نايمين ورجلينا بالشمس

ثريا : اشش اسكتي انتي الخ شهالحجي مستحيييل ابويه يسويها
ريا: لعد مو سواها وصاير مواهق يتمعشق بالتلفونات بقى عالزواج ؟!! شمدرينا ما مسويها

ثريا: كافيي اسكتو عفيه احس قبغ راسي رح يطير مني ،وان شاء الله نطلع فاهمين شي غلط لو نزوه مثل ميكولون مو مال متزوج لا تجيبون هالطاري عززه غير حياتنا تنكلب جحيييم