مساء الخير حبايبي اسفة عالتأخير بس والله جاي اكتب وربع البارت انحذف من وحده ورجعت عدته 😘واعذروا اخطائي ممعدلة البارت
#كواكب_امي
للكاتبة روشان
الجزء الثاني _البارت العشرونسديم : صراخنا اتعالى بالبيت لا نكدر نتحرك من هول الموقف ولا نكدر نبقى واكفين
امي انتهت وهي تحجي بالكوةليلى: ولك يمممه عوفها اروحلك فدوه كااافي ولكم ما بقى بيه حيل بعععد ما بقى بيه حييييل
سديم : حجت اخر كلمتين الي بالكوة طلعت من حلكها وانطبت بالكاع على طولها مثل الجثة ...
صرخنا بصوت واحد كلنا يمممه ، واخذتنا رجلنا وگلبنا المخطوف كلنا يمها حتى امير وريا
واني وشمس وكل واحد لازم طرف من ايدي ونحاول نصحي بيها وهي بس النفس يصعد وينزل بهدوء
راح امير جاب مي بسرعة وكعدناها مرجية على حضنا وهو يغسل بوجها ويحجي والدمعة بعينةامير : يمه فتحي فدوه لعيونج فتحي وخل اشوفهن والله ما اسويلها شي وداعتج وحگ لوعتي عليج هسه ما اسويلهاااا شييي...
سديم : رش المي على وجها وبدت توعى لنفسها واني وريا طاكين بجي عليها
فتحت وشافتنا دارت وجها وحجت بتعب
ليلى: بعدني ما متت عليش هالدموع بعدكم ما موتوني ،خلف الله عليكم ماما وچنه حمل ابوكم ما مكفيني حتى انتو تجملون عليه ..سديم : حجتها وسندت نفسها عليه وكامت واني ساعدتها واخذتها كعدت بالصالة ،امير بعد حجي امي مثل الي فشل من روحه فما كدر يبقى بالبيت اخذ موبايله وطلع
وريا نفس الشي صعدت تركض للغرفة الفوك واني اخذت امي للصالة ورجعت اجيبلها مي بارد تشرب ولكيت شمس جاي تسويلها عصير
كالت ادري بيها ضغطها نزل من الهبطةبقت عيني عليها بقلق وهي نفس الشي لحد ما حجت
شمس: شراح نسوي وياها ؟! اني راسي وكف مجاي اكدر افكر ،يعني معقولة متخاف هاي ثالث مرة يلزمها امير وكانما رب العالمين مسلطة عليها وهي مجاي تجوز
ومحد واكع بيها غير اميسديم: اكو شي مخليها هيج مصرة ومجلبة بالتلفون
شمس: يعني شنو هالشي ؟!
سديم: ماعرف بالضبط بس اني احجي وياها واحاول افتهم منها بس خل نشوف امي هسهكملت العصير اخذناه ورحنا للصالة ما لكيناها
شمس: تلكيها راحت للغرفة ترتاح امشي هناك
باوعت لجهالي اكرم واسيل جاي يتناكرون ،صحت عليهم خزرتهم ،بيبي مريضه ماريد حسكم يطلع اشرولي براسهم يمعنى اي
عفناهم ورحنا يم امي
شربتها العصير بالكوة ،وهي كلمة ما طلعت منها جانت تعبانة كلش سهى المدللة مالتها متمددة بصفها عالجرباية وحاضنتها
سديم كاعده يمها بالكاع من الجهه الثانية وتباوع لاني وكانما هي عالم خاص بالنسبة الها
الثنين متعلقات بأمي لدرجة كلش جبيرة بس دلال امي وتركيزها جان على سهى اكثر شي لان تعاملها ويا سديم جان دايماً على اساس عقلها الجبير ما عاملتها كطفلة او مراهقة ولا ركزت عليها بس بحالة الاعتماد جان اعتمادها عليها كلش جبير حتى بالبيت كلشي تريد وعلى اي شي توصي فتصيح على سديم يمكن لان ثقتها بيها كلش جبيرة فتسلمها الشي وهي متطمنة
لان اني جان انشغالي باطفالي كلش جبير من دراسة ومسؤولية ..
![](https://img.wattpad.com/cover/230828936-288-k173969.jpg)
YOU ARE READING
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..