#كواكب_امي
الجزء الثاني -البارت الخامس والثلاثون
للكاتبة روشان
.
.
ريا: خلينا نحل كلشي اني تعبت من هالوضع وتعبت من وكفتي عالحافة لا اني الواكعة ولا الي راكدة بمكان آمن ...ربك اختصر عليك انتظار شهور طويلة وما كتبلنا هالطفل
فكلي شنو ناوي وخلصني ...
ماعرف شلون حجيت كل هالحجي واني اباوع بعيونه لحد ما نطقت اخر كلمه رجعت درت وجهي عنه ماكدر ابقى اباوعله بعد..
مد ايده لوجهي بسرعه وهو يحتضن وجهي بجف ايده ويخلي عيونه بعيوني وكال
اسد: ناوي اخلف منج طفل ثاني ،تقبلين ؟
ريا: من صدمتي بحجيه عيني وهي بعينه صارت ترمش واني احاول استذكر الكلام الكاله واعيده بداخلي ،عقجت حواجبي ممصدكته
وطبعاً انصدم طبعاً ما اصدك ليش اني الشايفته منه شنو حتى اصدك! ما شفت منه شي يوحي ان هو يريدني او يحبني فجان كلامه مو متوقع ابد ...بنفس الوقت جانت مشاعري تخوض حرب بداخلي من فرحة ولهفة وحب وبنفس الوقت خوف
خايفه يطلع الجاي اسمعه غلط او فهمته غلط ،اخذني الصمت وضليت صافنه بعيونه ووجهي رخى واستسلم لجف ايده وهو يميل بثكل عليه
ابتسم وهو مركز بيه ..
اسد: ليش ساكته
ريا: يعني شنو ..شتريد؟!
اسد: لتسوين نفسج ما فهمتي
ريا: عيد حتى يتأكد فهمي
اسد: رايدج حبيبتي ومرتي وام جهالي ،رايدج تبقين جوه بگلبي وكبال عيني ..وكلما رجف هالگلب وذكرني بيج اندار بدون حيره واشوفج كبال هالعين
ريا: يحجي ويأشر بأيده الثانية مرة على گلبه ومرة على عينه
واني عيوني تتجه ويا حركة ايده لحد ما سكت واني گلبي يدك بقوه لكل كلمة كالها
مديت ايدي سحبت ايده من وجهي وبعدتها بقلق وعدم راحة ،دنك وحجيت بحدية متشبه رهافة گلبي بهاللحظة ابد ..
والي عرفته عني شنو مصيره ؟! مو انت نفسك الي كلت كشت روحي منج !طلعت منك هالكلمة لو لا؟ شنو الي اتغير
الي سويته اني صح ماضي وصح ميحتاج هلكد عقاب بس انت كرجل شرقي وبالاخص ابن عرب وريف وهالشي عندك ما مقبول ولا مسموح بي لاي سبب وجنت تشوف هالعقاب والكلام المؤذي بحقي كله شي استحقه كلش زين
شنو الي غيرك هسه ؟! اني ماريد تلمني بحضنك يومين وترجع تشمرني بحجه مجاي تنسى ومجاي تتقبل ...شلون اثق اني هسه وشلون اصدك ان الراح راح و انت تريد تبدي وتفتح صفحة جديدة
بقى ساكت مستمع لكلماتي لحد ما كملت وهو رد بهدوء وهو يكعد عدل برزانه
اسد: مابينا انسان ماعنده ماضي بي غلط ،بس الغلط الاكبر اذا بقى مستمر على هالغلط او بقى مستمر ومصر ان هالماضي مابي غلط والي سواه كله جان صح ...
اذا انتي جنتي تنقهرين وتتعذبين من كل كلمة اكولها بحقج وانتي متحبيني ولا جانت الي بگلبج ذره مشاعر ،شحال انا الواكع بحبج من شهور وانام واصحى وگلبي وكل ذرة بيه تشتعل نار وانا اتذكر انتي تحاجين غيري وانتي على ذمتي واحنا مخطوبين
شلون ترديني اتصرف ! وشلون احجي وياج ؟! وانا ادوس على نفسي الف مرة باليوم حتى لا اسوي اي تصرف يأذيج لو يجيبلج الحجايه من اهلي او غيرهم ..
YOU ARE READING
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
