ممراجعه البارت اعذروا اخطائي الاملائية😘🙈
بارت خاص بثريا وايضاً اعذروني لان قصير بس صار بارتين اكتب اليوم وجداً تعبانة الله شاهد🖤
#كواكب_امي
الجزء الثاني_البارت التاسع
و إنتظرتَك
بين صَفنات ألليالي
و جَرح دُخان ألجگاير
و بين لچماتي و حَسرتي
و حيرتِي و كَسرة ألخاطِر
و بين مدري .. و وين صاير؟
و إنتظرتَك ..
هلبت تمُر بية طَيف
إيضمضُم دموعي أعلى باچر .
.
.
.
نجمة: علمود سالفه الخطوبة ..
ثريا : اي احجي شبيها ..!!
نجمة: لتفكرين بيها بعد مراح تصير ركزي بدراستج وخلص ...
ثريا: ابتسمت وويا ابتسامتي جهه من وجهي خدرت بشكل مو طبيعي ماعرف ليش ..
تتشاقين مو ؟!
نجمة: لا والله هيج سوالف مابيها شقى
ثريا: جريت نفس حتى اضيع الحسرة الي تملكتني ،ورديت
لعدليش؟! طلع جذاب ! انسحب شاف السالفة متصرفله؟!
نجمة: يمعودة شتحجين زين غدة كفاش ويا اهله وصار يومين يحجي ويتوسل بيهم بس ابوه قافل ميقل يخطبج اله
ثريا: وليش شبيه ترى اسوى راسهم اني ،حجيتها بنترة
نجمة: من عرف بيج بعد ممكملة دراستج ،يكله ما اخطبلك وحده ممكملة عالاقل خل تكمل السادس يلا
ثريا : وهو هذا هم سبب!
نجمة: بعد هاي عقليته ورأيه وهو قفل عليها
ثريا: زين انتي منو گلج
نجمة: هو زين جان يمنا اليوم العصر وكلي انطيج خبر بس جان حيل مكسور خاطره
يكول لو ادري بأبويه هيج يخليني اتفاشل وياها جان ولا خليتها تتأمل بسالفة الخطوبة واطلع بعينها مو كد حجايتي ..
ثريا : دست على قهرتي ورديت بلا مبالاة
لا اصلاً عادي وبعد احسن خل امتحن هسه والله كريم وراها ربج يحلها
نجمة: لتضوجين حبيبتي
ثريا: لا لا ابد ،يمعوده مصار شي خل اروح اكمل دراستي بوسيلي حوريه
نجمة: راحت واني ادري بخاطرها وگلبها شكد مكسور بس ما حبت تبين ،،انداريت على زين الجان كاعد يمي هو واخته فاطمة
اشرتله بالموبايل بمعنى كلت الها شنسوي بعد.
عض شفايفه بعصبيه وضجر وحجى وهو ينفخ النفس بقوة
زين :هيج ابويه يسوووي بيه!؟؟ ادري منين طلعلي بهالسالفة الجايفة
شعليييك انت لخاااطر الله اني لو انت متزوج ! اكسر كلمته انوب اطلع مو خوش ادمي وعاق بأبويه
نجمة: اهدى يمعود ممستاهله ،ابوك ما خلالك شرط تعجيزي انتظر خل تمتحن وتكمل السادس ويروح هو بيده يخطبها الك
زين: شلون ممستاهله وج نجمة احس روحي صرت بعينها بصغر حبة العدس ،ارد اشوفها واكوللها والله لو بيدي اموت ولا اكسر خاطرج ادري خاطرها انكسر وهي تنتظر مني اطلع كد حجايتي وما طلعت كدها ..
فاطمة: يمعود كافي تحرك بدمك ،كل تأخيرة وبيها خيرة مباقي شي فد شهرين او 3 للامتحانات خل تمتحن وان شاء الله تنجح وتصير خطوبتكم بكل خير واذا على ثريا انقهرت هسه وحقها بس بعدين راح تعرف مصلحتها وتعرف انت مالك دخل ونجمة هم تحجي وياها ليضل بالك مو صحيح نجمة؟!
أنت تقرأ
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
